तुका आकाशा एवढा

तुका आकाशाएवढा.....

तुकोबा,आता तुम्हीच सांगा
ते विमान कसले होते?
कोण होते ते पुण्यवान?
ज्यांना विमान दिसले होते?

आम्ही वारसदार त्या करंट्याचे
जे विमान पाहू शकले नांही.
श्रद्धेशिवाय खरा पूरावा
कुणीच देवू शकले नाही.

तुकोबा,
तुमचे आभाळाएवढे कर्तृत्त्व
विमानात बसूच शकत नाही !
इंद्रायणीच्या डोहातले सत्य
तपासल्याविना दिसूच शकत नाही !!

-सूर्यकांत डोळसे,पाटोदा(बीड)
मोबाईल-9923847269

------------------------
चिमटा-1816
दैनिक पुण्यनगरी
12मार्च2009
-----------------------------