वस्त्रहरण

आजची वात्रटिका
---------------------------------------

वस्त्रहरण

कुणाचे कुडमुडे,
कुडकुडायला लागले.
कुणाचे पोपट
तडफडायला लागले.

कुंडलीवाल्यांना सुद्धा
ग्रह दशेचा मेळ नाही.
राहू म्हणाला केतुला,
हा साधासुधा खेळ नाही.

तमाम ज्योतिषांचे
जाहीर वस्त्रहरण आहे!
या सर्व वर्तमानाला,
कोरोना हेच कारण आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
सूर्यकांती
31मार्च2020
----------------------------- --------------
#कोरोना

कोरोना बॉर्डर

आजची वात्रटिका
---------------------------------------

कोरोना बॉर्डर

घराबाहेर पडू नका,
सरकारची ऑर्डर आहे.
आपल्या घराचा उंबरठा,
हीच आपली बॉर्डर आहे.

आपल्या घरात राहूनच,
आपण कोरोनाला अडवू शकतो !
आपल्या राष्ट्रभक्तीचे दर्शन,
आपल्या 'बॉर्डर'वरून घडवू शकतो!!

-सूर्यकांत डोळसे,पाटोदा(बीड)
मोबाईल-9923847269
-------------------------
सूर्यकांती
30मार्च2020
----------------------------- --------------
#कोरोना

थँक्यू कोरोना

बाल वात्रटिका
---------------------------------------

थँक्यू कोरोना

सगळेच पोलीसकाका आता,
पोलीसदादा वाटू लागले.
जे बंदी मोडून रस्त्यावर आले,
त्यांना चांगलेच रेटू लागले.

लहान व्हायचे दिवस,
घरातल्या मोठ्याला आले,
कोरोनामुळे सगळेच मोठाले,
आमच्या वाट्याला आले.

शाळा झाल्या सुन्या सुन्या,
डॉक्टरकाका देव वाटू लागले,
न्यूज चॅनलच्या बातम्यांमुळे,
अंगावर काटे फुटू लागले.

नकट्या नाकाच्यांना सांगा,
आम्हीच सत्य शिंकू शकतो !
वाट्टेल ती किंमत देऊन,
माणूसच जिंकू शकतो !!

-सूर्यकांत डोळसे,पाटोदा(बीड)
मोबाईल-9923847269
-------------------------
सूर्यकांती
29मार्च2020
----------------------------- --------------
#कोरोना

कोरोनाचे महाभारत

आजची वात्रटिका
---------------------------------------

कोरोनाचे महाभारत

रामायण आले,
महाभारत आले।
दूरदर्शनच्या सौजन्याने,
जुने दिवस परत आले.

कोरोनाचे विषाणूसुद्धा,
दबा धरून दारात आहेत !
बाहेर देवळं बंद असल्याने,
देव डायरेक्ट घरात आहेत !!

-सूर्यकांत डोळसे,पाटोदा(बीड)
मोबाईल-9923847269
-------------------------
सूर्यकांती
29मार्च2020
----------------------------- --------------
#कोरोना

हाथ की सफाई

आजची वात्रटिका
---------------------------------------

हाथ की सफाई

कुणी हात दाखवू लागले,
कुणी हात देऊ लागले.
कोरोनासह सगळेच,
हात धुवून घेऊ लागले.

चोर असो वा साव,
रंक असो वा राव,
सर्वांना कोरोनाची भीती आहे !
शेवटी आपले भविष्य,
आपल्याच हाती आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7247
दैनिक झुंजार नेता
28मार्च2020

----------------------------- --------------
#कोरोना

अफवाग्रस्त

आजची वात्रटिका
---------------------------------------

अफवाग्रस्त

कोरोनाच्या वेगापेक्षा,
अफवांचा वेग फार आहे.
अफवांच्या लाटेवर,
कोरोना स्वार आहे.

अफवांवर स्वार होऊन,
नसत्या कंड्या पिकवू नका !
दुनिया झुकते म्हणून,
झुकू आणि झुकवू नका !!

-सूर्यकांत डोळसे,पाटोदा(बीड)
मोबाईल-9923847269
-------------------------
सूर्यकांती
27मार्च2020
----------------------------- --------------
#कोरोना

पोलिसी खाक्या

आजची वात्रटिका
---------------------------------------

पोलिसी खाक्या

रस्त्यावर जो जो येईल,
तो तो ठोकला जाईल.
असे केल्यानेच कोरोनाचा,
प्रसार रोखला जाईल.

ही दंडूकेशाही नाही,
एक गंभीर इशारा
पोलिसी खाक्यात आहे!
जनावरांनो उधळू नका,
मानवजात धोक्यात आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
सूर्यकांती
26मार्च2020
----------------------------- --------------
#कोरोना

झुंडशाही मुर्दाबाद

आजची वात्रटिका
---------------------------------------

झुंडशाही मुर्दाबाद

रस्तोरस्ती झुंडीच्या झुंडीने
कोरोनावर चढाई आहे.
आपण कसे विसरतो?
ही कोरोनाशी लढाई आहे.

आमना-सामना करून,
कोरोना हरू शकतो,
हा पोकळ दावा आहे !
कोरोनाविरुद्धच्या लढ्याचे तंत्र,
शिवबाचा गनिमी कावा आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7246
दैनिक झुंजार नेता
25मार्च2020
----------------------------- --------------
#कोरोना

फॉरेन रिटर्न

आजची वात्रटिका
---------------------------------------

फॉरेन रिटर्न

कुणी पितोय गोमूत्र,
कुणी लावतोय कापूर.
संसदेत फिरून आली,
आपली कनिका कपूर.

दिल्लीकडून गल्लीकडे
कोरोनाचा ओघ आहे !
'फॉरेन रिटर्न' हा शब्दच,
आता एक रोग आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5754
दैनिक पुण्यनगरी
24मार्च 2020
----------------------------- --------------
#कोरोना

माजोरडेपणा

आजची वात्रटिका
---------------------------------------

माजोरडेपणा

आपल्याबरोबर इतरांच्याही
आयुष्याशी लोक खेळू लागले.
कोरोनाच्या पाठीमागे,
जिवावर उदार होऊन पळू लागले.

कोरोनापासून लांब पळणे,
एवढाच एक उपाय आजआहे !
घाबरू नका,घाबरऊ नका,
पण हा जीवघेणा माज आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7245
दैनिक झुंजार नेता
24मार्च2020
----------------------------- --------------
#कोरोना

कोरोनाची टेस्ट

आजची वात्रटिका
---------------------------------------

कोरोनाची टेस्ट

जे जे करो ना म्हणतो,
लोक ते ते करु लागले.
दोष असो वा नसो,
लोक हकनाक मरू लागले.

'जनता कर्फ्यू' म्हणजे,
उद्याच्या संकटाची झाकी आहे!!
आपण वन-डे जिंकलो तरी,
खरी टेस्ट अजून बाकी आहे!!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7244
दैनिक झुंजार नेता
23मार्च2020

----------------------------- --------------
#कोरोना

वाचा आणि इतरांनाही शेअर करा.
माझ्या दैनिक पुण्यनगरीतील
'चिमटा'
आणि दैनिक झुंजार नेता तील
'फेरफटका'
या सदरातील सतरा हजारांपैकी,
सहा हजारांहून जास्त निवडक
वात्रटिका
वाचण्यासाठी आणि इतरांना
शेअर करण्यासाठी क्लिक करा.
https://suryakantdolase.blogspot.in
--------------------------------------------------
#आजच्या_वात्रटिका-#सूर्यकांत_डोळसे

थँक्स टू ऑल

आजची वात्रटिका
---------------------------------------

थँक्स टू ऑल

दिवसभराच्या शिस्तीची,
सायंकाळी बेशिस्त झाली.
कोरोनामुळे का होईना,
देशाला थोडी शिस्त आली.

दिवसभर घरात बसून,
एवढेच करायचे राहिले होते!
थाळी वाजवून,
साप कसा घरात घेतात?
जनता कर्फ्यूत पाहिले होते !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5753
दैनिक पुण्यनगरी
23मार्च 2020
----------------------------- --------------
#कोरोना

कोरोनाचे साक्षीदार

कोरोनाचे साक्षीदार

अजून तरी जनता,
नको तेवढी गाफील आहे .
म्हणूनच 'जनता कर्फ्यू चे ,
देशवासियांना अपील आहे .

संसर्गाचा वेग गुणाकारात,
मृत्यूचा वेग भागाकारात आहे.
कोरोना चे रूपांतर
मोठ्या हाहा:कारात आहे.

आपण दाखवून देऊ,
गोष्ट खरोखर पटली आहे !
वस्तुस्थितीचा दाखला म्हणून,
चीनच्या जोडीला इटली आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7243
दैनिक झुंजार नेता
22मार्च2020
----------------------------- --------------
#कोरोना

युद्धप्रसंग

आजची वात्रटिका
---------------------------------------

युद्धप्रसंग

अदृश्य अश्या शत्रूशी
आज उघड लढाई आहे.
लोक गाफिल असल्याने,
कोरोनाची चढाई आहे.

रुग्णांची आकडेवारी बघून
भीतीचे गोळे पोटात आहेत.
सध्या निष्काळजी लोकच,
कोरोनाच्या गोटात आहेत.

लढाई जिंकूनही पराभव;
असे मुळीच व्हायला नको !
एका शूद्र विषाणूसाठी,
अपरिमित मोल जायला नको !

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5751
दैनिक पुण्यनगरी
22मार्च 2020
----------------------------- --------------
#कोरोना

नाविलाज हाच विलाज

आजची वात्रटिका
---------------------------------------

नाविलाज हाच विलाज

जे नाक उचलून बोलले,
त्यांना कोरोनाने शेंबडे केले.
कोंबड्यांची वाट लावून,
जनतेला घरकोंबडे केले.

घरकोंबडे तर घरकोंबडे,
रस्त्यांवर चोंबडेपणा करू नका !
कोरोना दिसतो तेवढा सरळ नाही,
उगीच वाकड्यात शिरू नका !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7242
दैनिक झुंजार नेता
21मार्च2020
----------------------------- --------------
#कोरोना

जागतिक अगतिकता

आजची वात्रटिका
---------------------------------------

जागतिक अगतिकता

कोरोनाची वाटचाल
स्टेप बाय स्टेप आहे.
महामारीच्या मान्यतेनंतर,
मोठ्या वेगाने झेप आहे.

कोरानाचे हे संकट,
भयंकर आणि जागतिक आहे!
एका अतिसूक्ष्म विषाणूपुढे,
सारे जग अगतिक आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5750
दैनिक पुण्यनगरी
21मार्च 2020
----------------------------

जनता कर्फ्यू

आजची वात्रटिका
---------------------------------------

जनता कर्फ्यू

इतरांनी जसे सहज घेतले,
तसे तुम्हीही सहज घेऊ नका.
रस्त्यावर नाहक गर्दी करून,
कोरोनाला आमंत्रण देऊ नका.

कुणाला हा विचार पटणार नाही,
कुणाला मात्र नक्की पटू शकतो!
हा भारतीय जनता कर्फ्यू आहे,
विरोधकांना संशय वाटू शकतो !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7241
दैनिक झुंजार नेता
20मार्च2020
----------------------------- --------------
#कोरोना

पोटग्या आणि बक्षिसी

आजची वात्रटिका
---------------------------------------

पोटग्या आणि बक्षिसी

राज्यसभा आणि विधानपरिषद,
जणू बाटग्या त्या बाटग्या आहेत.
बाहेरच्यांना घरात घेऊन,
वर त्यांना पोटग्या आहेत.

लोकशाहीचे आता कसे होईल?
आपल्याला उगीच टेन्शन असते !
रिटायर्ड बाबूशहांना,
आम दाराने आणि खास दाराने;
बक्षिसी म्हणून ही पेन्शन असते !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5749
दैनिक पुण्यनगरी
20मार्च 2020

कोरोनायन

आजची वात्रटिका
---------------------------------------

कोरोनायन

नको तिथे नाक खुपसून,
वाटेल तसे शिंकू नका.
स्वच्छतेचे नियम पाळा,
रस्त्यावरती थुंकू नका .

डॉक्टरांचे अपुरे प्रमाण,
अगदी सप्रमाण सिद्ध झाले.
देवळातले देव देवसुद्धा,
देवळातच स्थानबद्ध झाले.

कोरोनाच्या अफवांमुळे,
सर्वत्र अंदाधुंदी आहे !!
चोर आणि सावांसाठी,
कोरोना ही संधी आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7240
दैनिक झुंजार नेता
19मार्च2020

----------------------------- --------------
#कोरोना

कोरोना कृपा

आजची वात्रटिका
---------------------------------------

कोरोना कृपा

देवांची कवाडे लागताच,
अफवांचे पुन्हा पेव आले.
कोरोनाग्रस्त रुग्णांसाठी,
मग डॉक्टरच देव झाले.

निसर्गाकडे मनोमन प्रार्थना,
असे रोग पुन्हा येऊ नयेत !
देव झालेल्या डॉक्टरांचे,
पुन्हा दानव होऊ नयेत !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5751
दैनिक पुण्यनगरी
19मार्च 2020
----------------------------- --------------
#कोरोना

कोरोनोपाय

आजची वात्रटिका
---------------------------------------

कोरोनोपाय

बाहेरचे तर सोडूनच द्या,
घरातल्या घरात आता रिस्क आहे.
नवरा आणि बायकोच्याही,
तोंडावरती आता मास्क आहे.

कुणी कुणाचे नसते,
गोष्ट पुन्हा कळून चुकली आहे.
नवऱ्याचा संशय येताच,
बायकोने धूम ठोकली आहे.

आज अखेर तरी कुठे;
जगामध्ये कोरोनोपाय आहे ?
"जगा आणि जगू द्या"
एवढाच काय तो तरोणोपाय आहे !

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7239
दैनिक झुंजार नेता
18मार्च2020
----------------------------- --------------
#कोरोना

देऊळबंद

आजची वात्रटिका
---------------------------------------

देऊळबंद

काही भक्त डोळस तर,
काही भक्त अंध आहेत.
ज्याच्याकडे धावा करावा,
त्याचेही दारे आता बंद आहेत.

भक्तांबरोबरच देवस्थानांनाही,
कोरोनाचा खतरा आहे.
कोरानाच्या तडाख्यात,
उरूस,जत्रा आणि यात्रा आहे.

कोरोनातून सोडवायला,
कुणाचेच देव पावले नाहीत !
तरी बरे भक्तांनी अजून तरी,
देवांनाच मास्क लावले नाहीत !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5750
दैनिक पुण्यनगरी
18मार्च 2020
----------------------------- --------------
#कोरोना

कोरोनाचा शिक्का

आजची वात्रटिका
---------------------------------------

कोरोनाचा शिक्का

बचेंगे तो और भी पसरेंगे,
कोरोनाचा निर्धार पक्का आहे.
आता तर संशयितांच्या हातावर,
कोरोनाचा शिक्का आहे.

अतिरेक्यांनाही दहशत,
एवढे कोरोनाचे कर्तब आहे!
नो गॅरंटी, नो वॉरंटी,
चायना मालाचे
कोरोनावर शिक्कामोर्तब आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7238
दैनिक झुंजार नेता
17मार्च2020
----------------------------------------

#कोरोना

कोरोनाचे अर्थकारण

आजची वात्रटिका
---------------------------------------

कोरोनाचे अर्थकारण

सूचना आणि उपदेशांचा
कल्ला आणि हल्ला आहे.
नोटांचा वापर टाळावा,
बँकेचा रिझर्व्ह सल्ला आहे.

कुणी विदेशातून देशात,
शहरातून गावाकडे पळतोय,
'खेड्याकडे चला' चा अर्थ
आता कोरोनामुळे कळतोय.

कोरोनाचा प्रभाव असा,
सर्वत्र उमटायला लागला !
कोरोना भारताला,
डिजिटल इंडीयाकडे
वेगाने दामटायला लागला !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5749
दैनिक पुण्यनगरी
17मार्च 2020
----------------------------------------

#कोरोना

हा खेळ अफवांचा

आजची वात्रटिका
---------------------------------------

हा खेळ अफवांचा

एक रोग,इलाज अनेक,
अशी कोरोनाची तऱ्हा आहे
अशास्त्रीय उपचारांचा पंचनामा,
न केलेलाच बरा आहे.

काळजी घेतो पण,
अशास्त्रीय उपचार आवरा,
असे सांगायची ही वेळ आहे !
जिकडे बघावे तिकडे,
कोरोना अफवांचा खेळ आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7237
दैनिक झुंजार नेता
16मार्च2020
----------------------------------------

#कोरोना

कोरोनाचे प्रथमोपचार

आजची वात्रटिका
---------------------------------------

कोरोनाचे प्रथमोपचार

जे बसलेत दुकान मांडून,
त्यांचे आयते ग्राहक होऊ नका.
नसत्या उचापत्या करून,
कोरोनाचे वाहक होऊ नका.

अफवांचा पुरस्कार करू नका,
कुणाचा तिरस्कार करू नका !
हक्काएवढेच कर्तव्याला जागा,
मात्र अफवांचे बळी ठरू नका !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5748
दैनिक पुण्यनगरी
16मार्च 2020
----------------------------------------
#कोरोना

बोबडे बोल

मुँहतोड जवाब

आजची वात्रटिका
---------------------------------------

मुँहतोड जवाब

कोरोनापासून बचाव,
सध्या एवढेच टास्क आहे.
प्रत्येकाच्या तोंडावर
कसला तरी मास्क आहे.

असा कोण आहे?
ज्याला कोरोनाचे भय नाही ?
आता तर कोरोनामुळे
तोंड दाखवायचीही सोय नाही !

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7236
दैनिक झुंजार नेता
15मार्च2020
----------------------------------------
#कोरोना

कोरोनाची दहशत

आजची वात्रटिका
---------------------------------------

कोरोनाची दहशत

प्रत्यक्ष डोनाल्ड ट्रम्पही
कोरोनाला टरकू लागले.
कोरोनाच्या अफवांचे लोण,
आपल्याकडे सरकू लागले.

कोरोनाची दहशत एवढी की,
जणू कोरोना रोगांचा दादा आहे !
बातम्या आणि व्यंगचित्राबरोबर
आमच्या वात्रटिकांनाही
सध्या कोरोनाची बाधा आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5747
दैनिक पुण्यनगरी
15मार्च 2020
----------------------------------------
#कोरोना

बॅट म्हणाली बॉलला

आजची वात्रटिका
---------------------------------------

बॅट म्हणाली बॉलला

आपल्या खेळावरही
कोरोनाचे सावट आहे.
तुझाही त्रास टळला,
नाही तरी तू चावट आहे.

अनेक दौरे रद्द,
आयपीएललाही फटका आहे !
कोरोनामुळे तरी तुझ्यापासून,
काही दिवस सुटका आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
फेरफटका-7234
दैनिक झुंजार नेता
14मार्च2020
----------------------------------------
#चेंडूची_फुले

विनोदी टुकारपणा

आजची वात्रटिका
---------------------------------------

विनोदी टुकारपणा

जो तो आपल्या टुकारपणावर
भलताच खंबीर असतो.
कुणालाच कसे कळत नाही?
विनोद हा गंभीर असतो.

सगळ्यांच्याच विनोदामधली,
हवा जायला लागली !
टुकार विनोदविरांची अवस्था,
हास्यास्पद व्हायला लागली !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5746
दैनिक पुण्यनगरी
14मार्च 2020

कोरोना फोबिया

आजची वात्रटिका
---------------------------------------

कोरोना फोबिया

ज्याच्यामुळे सारे जग,
बेजार एके बेजार आहे.
कोरोना फक्त विषाणूजन्य नाही,
आता तो मानसिक आजार आहे.

कुणी साधे खोकले तरी,
कोरोनाचा भास होतो आहे !
कुणी सत्य शिंकला तरी,
त्याचाही आता त्रास होतो आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
फेरफटका-7233
दैनिक झुंजार नेता
13मार्च2020

राजेशाही पराक्रम

आजची वात्रटिका
---------------------------------------

राजेशाही पराक्रम

छोटे मोठे सामान्य कार्यकर्ते,
आपोआपच दावणीला आहेत.
देशातले सगळे राजे-महाराजे,
भाजपाच्या छावणीला आहेत.

राजे महाराजांची घोडदौड तर,
तू चल मैं आया,अशी आहे !
त्यांच्या राजेशाही पराक्रमामुळे
लोकशाही मात्र तोंडघशी आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5745
दैनिक पुण्यनगरी
13मार्च 2020

कोरोना डायलर टोन

आजची वात्रटिका
---------------------------------------

कोरोना डायलर टोन

कोरोनाच्या चाहुलीनेच
काळजाचा ठोका चुकतो आहे.
आतातर प्रत्येकाचा मोबाईल,
चक्क कानामध्ये खोकतो आहे.

कोरोनाला घाबरला नाही,
सांगा असा कोण आहे ?
मोबाईलच्या खोकण्याचे कारण,
कोरोना डायलर टोन आहे !

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7232
दैनिक झुंजार नेता
12मार्च2020

कोरोनाची बाधा

आजची वात्रटिका
---------------------------------------

कोरोनाची बाधा

कोरोना आपले हातपाय,
चांगलेच पसरू लागला.
कुणी दाखवतो माणुसकी,
कुणी ती विसरू लागला.

कुणी मांडला बाजार,
कुणी पोळ्या भाजतो आहे.
ब्रेकींग न्यूज म्हणून,
फक्त कोरोना गाजतो आहे.

आयती आलेली संधी,
प्रत्येकजण साधीत आहे !
कोरोनाच्या अफवांनी तर,
सगळे जगच बाधीत आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5744
दैनिक पुण्यनगरी
12मार्च 2020

तुका आकाशाएवढा

आ।ठ।व।णी।ती।ल
वा।त्र।टि।का
--------------------------------------------

तुका आकाशाएवढा.....

तुकोबा,आता तुम्हीच सांगा
ते विमान कसले होते?
कोण होते ते पुण्यवान?
ज्यांना विमान दिसले होते?

आम्ही वारसदार त्या करंट्याचे
जे विमान पाहू शकले नांही.
श्रद्धेशिवाय खरा पूरावा
कुणीच देवू शकले नाही.

तुकोबा,
तुमचे आभाळाएवढे कर्तृत्त्व
विमानात बसूच शकत नाही !
इंद्रायणीच्या डोहातले सत्य
तपासल्याविना दिसूच शकत नाही !!

-सूर्यकांत डोळसे,पाटोदा(बीड)
मोबाईल-9923847269
------------------------
चिमटा-1816
दैनिक पुण्यनगरी
12मार्च2009

शॅडो कॅबिनेटचा भावार्थ

आजची वात्रटिका
---------------------------------------

शॅडो कॅबिनेटचा भावार्थ

'शॅडो कॅबिनेट'चा अर्थ लावण्याची,
लोकशाहीत पुर्णपणे मुभा आहे.
भावाच्या पाठीमागे भाऊ,
अगदी सावली बनून उभा आहे.

खऱ्या कॅबिनेटवरती,
शॅडो कॅबिनेटची सावली आहे !
दुधाची तहान ताकावर,
ही कल्पना मात्र भावली आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7231
दैनिक झुंजार नेता
10मार्च2020

-सूर्यकांत डोळसे,पाटोदा(बीड)
मोबाईल-9923847269

शिमगा:लोकमनाची वात्रटिका

आजची वात्रटिका
---------------------------------------

शॅडो कॅबिनेटचा भावार्थ

'शॅडो कॅबिनेट'चा अर्थ लावण्याची,
लोकशाहीत पुर्णपणे मुभा आहे.
भावाच्या पाठीमागे भाऊ,
अगदी सावली बनून उभा आहे.

खऱ्या कॅबिनेटवरती,
शॅडो कॅबिनेटची सावली आहे !
दुधाची तहान ताकावर,
ही कल्पना मात्र भावली आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7231
दैनिक झुंजार नेता
10मार्च2020

-सूर्यकांत डोळसे,पाटोदा(बीड)
मोबाईल-9923847269

महिला दिन

आजची वात्रटिका
---------------------------------------

महिला दिन

तिच्या हार-तुऱ्यावर,
त्याचा डोळा होता.
गाय म्हणाली बैलाला,
हा तर गायपोळा होता.

तिचा हा गैरसमज,
आता तरी दूर व्हावा !
महिला सन्मानाचा,
वर्षभर पूर यावा !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7230
दैनिक झुंजार नेता
9मार्च2020

शॅडो कॅबिनेट

आजची वात्रटिका
---------------------------------------

शॅडो कॅबिनेट

आपण सत्तेत नसूनही,
सत्तेवर बसल्यासारखे वाटते.
हाती मंत्रीपद नसूनही,
ते हाती असल्यासारखे वाटते.

शॅडो कॅबिनेट संकल्पनेचा,
एक अर्थ हाच असतो !
खऱ्या मंत्रीमंडळावर,
खोट्या मंत्रीमंडळाचा वॉच असतो !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5742
दैनिक पुण्यनगरी
9मार्च 2020

वाटेकरी

आजची वात्रटिका
---------------------------------------

वाटेकरी

डिझेल म्हणाले पेट्रोलला,
स्वस्ताईचे काही खरे दिसत नाही.
कितीही बसवले तरी,
लोकांचे बजेट बसत नाही.

तुही आणि मीही
दोघेही घाटेकरी आहोत !
जनतेच्या वाईट अवस्थेचे,
आपण दोघेही वाटेकरी आहोत !!

-सूर्यकांत डोळसे,पाटोदा(बीड)
मोबाईल-9923847269

निसर्गाचा शाप

आजची वात्रटिका
---------------------------------------

निसर्गाचा शाप

जुन्यावर उपाय शोधताच,
नवा रोग हजर आहे.
शर्यत सुरूच असल्याचा,
निसर्गाकडून बझर आहे.

प्रत्येक नवा रोग,
जुन्या रोगाचा बाप आहे !
जणू मानवाच्या अमरत्वाला,
निसर्गाचा शाप आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7229
दैनिक झुंजार नेता

कोरोना व्हायरसचा संवाद

आजची वात्रटिका
---------------------------------------

कोरोना व्हायरसचा संवाद

मिसेस कोरोना म्हणाल्या
मिस्टर कोरोनाला.
काहीच अर्थ नाही,
तुमच्या डरोना डरोनाला.

जागतिक महिला दिनावर
तुमची छाया आहे.
पुन्हा तुम्हीच म्हणाल,
काय ही बया आहे?

मिस्टर कोरोना उत्तरले,
तसले काही कनेक्शन नाही !
माणूस नावाच्या व्हायरसचे,
अजून तरी,
आपल्याला इन्फेक्शन नाही !!

-सूर्यकांत डोळसे,पाटोदा(बीड)
मोबाईल-9923847269