देऊळबंद

आजची वात्रटिका
---------------------------------------

देऊळबंद

काही भक्त डोळस तर,
काही भक्त अंध आहेत.
ज्याच्याकडे धावा करावा,
त्याचेही दारे आता बंद आहेत.

भक्तांबरोबरच देवस्थानांनाही,
कोरोनाचा खतरा आहे.
कोरानाच्या तडाख्यात,
उरूस,जत्रा आणि यात्रा आहे.

कोरोनातून सोडवायला,
कुणाचेच देव पावले नाहीत !
तरी बरे भक्तांनी अजून तरी,
देवांनाच मास्क लावले नाहीत !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5750
दैनिक पुण्यनगरी
18मार्च 2020
----------------------------- --------------
#कोरोना