चमत्कार... प्रसिद्ध वात्रटिकाकार व्याख्याते सूर्यकांत डोळसे यांची मराठीत पत्रिका मराठी वात्रटिका

आठवणीतील
वात्रटिका
----------------------------------

चमत्कार

लेकरांच्या प्रेमापोटी,
भलेभले खुळे होतात.
राजकारणात दुधी दात
अचानक 'सुळे' होतात.

बिचाऱ्या लोकशाहीवर,
घराणेशाहीचा तोरा आहे !
'मुलगा मुलगी एकसमान'
त्यांच्याच तोंडी नारा आहे !!

सूर्यकांत डोळसे,पाटोदा(बीड)
मोबाईल-9923847269
---------------------------------------
चिमटा

दैनिक पुण्यनगरी

6 सप्टेंबर2006
--------------------------------

पावसाचा राग

थांबला तो संपला

आजची वात्रटिका
---------------------------------------

थांबला तो संपला

आमच्यावेळी असे होते,
आमच्यावेळी तसे होते.
हे सांगत थांबू नका,
केंव्हा काय अन कसे होते?

कोरोना जुन्या परंपरा,
मोडायला शिकवतो आहे.
कोरोना नव्या परंपरा,
पाडायला शिकवतो आहे.

जुने ते सोने असेल तर,
नवेही खणखणीत नाणे आहे!
जो थांबला तो संपला,
त्याच्याशी कुठे देणे-घेणे आहे !!

सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5844
दैनिक पुण्यनगरी
30जून2020
--------------------------------------
#कोरोना

बॅट म्हणाली बॉलला

आजची वात्रटिका
----------------------------

बॅट म्हणाली बॉलला

ना ग्राउंड नाही,
ना नेट नाही.
कोरोनाच्या छायेत,
आपली भेट नाही.

मी करते बॅटींग,
तू बॉलिंग कर.
सोशल डिस्टनसिंगचे,
तू फिलिंग कर.

लॉक डाऊन पाळू,
सारे अनलॉक होईल !
कसोटीच्या रिप्लेने,
कोरोनाही शॉक होईल !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7328
दैनिक झुंजार नेता
29जून2020
-------------------------

#कोरोना

जातीवंत विचार

आजची वात्रटिका
----------------------------

जातीवंत विचार

जसा जातीचा पंथ लागतो,
तसा जातीचा संत लागतो.
फक्त एवढेच नाहीतर,
जातीचाच विचारवंत लागतो.

वरवर जाती अंत आहे,
आत जाती-जातीचा जंत आहे !
चळवळीपासून वळवळीकडे,
या प्रवासाची खरी खंत आहे !!

सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5843
दैनिक पुण्यनगरी
29जून2020

कोरोना ची केस स्टडी

कोरोनाची केस स्टडी

कुणी झिंजाळे झाले आहेत,

तर कुणी पारच टकले आहेत.

कुणाचा मिशांवर ताव आहे,

कुणी कुणी मिशांना मुकले आहेत.

कोरोनाच्या कात्रीत अडकल्याने,

ज्याची त्याची वेगळी केस आहे !

आमदानीच नसल्याने,

गरीबांच्या तोंडाला फेस आहे !!

-सूर्यकांत डोळसे,पाटोदा(बीड)

मोबाईल-99238472692

-------------------------

फेरफटका-7324

दैनिक झुंजार नेता

25जून2020

कोरोना का इशारा

आजची वात्रटिका
-----------------------------

कोरोना का इशारा

कोरोना बोला कोरोनाको,
उनका चल्या पॉंलिटिक्स,
आपून फिकर करना मत,
किधर भी घुसो लेकीन,
पॉंलिटिक्स मे शिरना मत.

वो पॉलिटिक्स करते रहेंगे,
उनका तो पेट भरने धंदा है !
वोच साबित करते रहेंगे,
कौन सबसे जादा गंदा हैं ?

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7325
दैनिक झुंजार नेता
26जून2020
--------------------------------
#कोरोना

लव्हली निर्णय

आजची वात्रटिका
----------------------------

लव्हली निर्णय

फेअर अँड लव्हलीची गोष्ट ,
त्यांना त्यांना कुठे ठावी आहे?
ज्यांना ज्यांना अजूनही,
गोरी बायको हवी आहे.

लव्हलीमागचे फेअर गेले,
पोहचायचा तो संदेश पोचला आहे!
हिंदुस्थान लिव्हर चे हार्टली थँक्स,
अखेर योग्य निर्णय सुचला आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7327
दैनिक झुंजार नेता
28जून2020
--------------------------------
#कोरोना

कोरोनाचा तिढा

आजची वात्रटिका
----------------------------

कोरोनाचा तिढा

जसे कुठे सुरळीत होत आहे,
तसे कुठे बिघडत चालले आहे.
अनलॉकच्या मार्गाने,
लॉक डाऊन उघडत चालले आहे.

माकडांच्या हाती कोलीत द्यावे,
असेसुद्धा घडते आहे !
सरकारी जबाबदारीबरोबर,
सामाजिक जबाबदारी वाढते आहे !!

सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5842
दैनिक पुण्यनगरी
28जून2020
-----------------------------
#कोरोना

गोपीचंद आणि बुक्का

आजची वात्रटिका
----------------------------

गोपीचंद आणि बुक्का

कोरोना अस्सल ओवी झाला,
कोरोना अस्सल शिवी झाला.
तोंडाला लागलेल्या कुलुपाची,
कोरोना मास्टर चावी झाला.

नको तसे तोंड उघडल्याने,
वाचाळतेचा शिक्का लागला !
लावायला गेले गोपीचंद,
पण स्वतः लाच बुक्का लागला !!

सूर्यकांत डोळसे,पाटोदा(बीड)
मोबाईल-9923847269
---------------------------------------
चिमटा-5840
दैनिक पुण्यनगरी
26जून2020
-----------------------------
-----------------
#कोरोना

सलाम गुरुजी सलाम

आजची वात्रटिका
------------------------

सलाम गुरुजी सलाम

टेलर होते,सेलर होते,
सह्याजीराव अन स्वयंपाकी होते.
कोरोनाने गुरुजींना काम लावले,
जे जे अद्याप करायचे बाकी होते.

रेशनवाले झाले,पोलिसमित्र झाले,
आरोग्यसेवकाबरोबर
अजून बरेच काय काय झाले.
दारूपासून किराणा दुकानापर्यंत,
गुरुजी डिलिव्हरी बॉय झाले.

चोवीस तास चेक पोस्टवरसुद्धा,
गुरुर्जीचीच नाकाबंदी होती !
गुरुजी खरे कोरोनायोद्धे शोभले,
कोरोना जणू देशसेवेची संधी होती !!

सूर्यकांत डोळसे,पाटोदा(बीड)
मोबाईल-99238472692
---------------------------------------
चिमटा-5839
दैनिक पुण्यनगरी
25जून2020
-----------------------------

-----------------------
#कोरोना

अफवांचे बळी

आजची वात्रटिका
---------------------------------------

अफवांचे बळी

टोमॅटो खाऊ नका,
अफवांचे पिल्लु सोडू लागले.
रागाने लालबुंद व्हायचे तर,
टोमॅटो भीतीने पांढरे पडू लागले.

विकृत मनोवृत्तीकडून,
ही अफवांची खेळी आहे !
कोरोनाच्या अफवांमध्ये,
निरापराध्यांचा नाहक बळी आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5801
दैनिक पुण्यनगरी
18मे2020
--------------------------------------
#कोरोना

आंधळी कोशिंबीर

आजची वात्रटिका
----------------------------

आंधळी कोशिंबीर

आपल्या त्या ओव्व्या असतात,
लोकांच्या त्या शिव्या असतात.
देणारा आणि घेणारांनाही,
या गोष्टी पक्क्या ठाव्या असतात.

जो जास्त स्टंट करू शकतो,
त्याचीच बाजू खरी वाटू लागते !
इतरांकडून झालेली चूकही,
स्टंटबाजीसाठी बरी वाटू लागते !!

सूर्यकांत डोळसे,पाटोदा(बीड)
मोबाईल-9923847269
---------------------------------------
चिमटा-5841
दैनिक पुण्यनगरी
27जून2020
-----------------------------
#कोरोना

साथ रोग

आजची वात्रटिका
----------------------------

साथ रोग

टीका-प्रतिटीकेसाठी,
उपमाही सुपर आहेत.
पशू आणि पक्षांनंतर,
रोगांचे वापर आहेत.

सध्या तरी सर्वत्र,
हीच साथ जोरात आहे !
नेत्यांपेक्षाही कार्यकर्ता,
एकदमच भरात आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7326
दैनिक झुंजार नेता
27जून2020
--
#कोरोना

जगबुडी आलीच नाही

आठवणीतीलआठवणीतील

वात्रटिका
----------------------------

जगबुडी आलीच नाही

तुम्ही आम्ही जिवंत म्हणजे,
जगबुडी काही आली नाही.
नतद्रष्ट भविष्यवेत्त्यांची,
वाणी काही खरी झाली नाही.

जगाचे आणि तुमचे आमचे,
सर्वांचे आयुष्य चिक्कार असो !
ज्यांनी ज्यांनी अशुभ चिंतले,
त्या सर्वांचा धिक्कार असो !!

सूर्यकांत डोळसे,पाटोदा(बीड)
मोबाईल-99238472692
----------------------------------------
चिमटा-3224
दैनिक पुण्यनगरी
13डिसेंबर2012
-------------------------
#कोरोना

वात्रटिका
----------------------------

जगबुडी आलीच नाही

तुम्ही आम्ही जिवंत म्हणजे,
जगबुडी काही आली नाही.
नतद्रष्ट भविष्यवेत्त्यांची,
वाणी काही खरी झाली नाही.

जगाचे आणि तुमचे आमचे,
सर्वांचे आयुष्य चिक्कार असो !
ज्यांनी ज्यांनी अशुभ चिंतले,
त्या सर्वांचा धिक्कार असो !!

सूर्यकांत डोळसे,पाटोदा(बीड)
मोबाईल-99238472692
----------------------------------------
चिमटा-3224
दैनिक पुण्यनगरी
13डिसेंबर2012
-------------------------
#कोरोना

ड्रीम प्रोजेक्ट

आजची वात्रटिका
----------------------------

ड्रीम प्रोजेक्ट

राखी सावंतचा नवा फंडा,
जगासमोर आला आहे.
सुशांतसिंग राजपूत म्हणे,
तीच्या थेट स्वप्नात गेला आहे.

राखी सावंतच्या पोटी,
सुशांतसिंग पुनर्जन्म घेणार !
हे जर खरे ठरले तर,
अगदी नक्कीच जगबुडी येणार !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7321
दैनिक झुंजार नेता
22जून2020
----------------------------
#कोरोना

कोरोनाचा इतिहास

आजची वात्रटिका
----------------------------

कोरोनाचा इतिहास

कोरोना गेल्यासारखा,
आपला थाटमाट आहे.
तोपर्यंत कोरोनाची,
जगात दुसरी लाट आहे.

उतावळेपणा झाला असेल,
पण आपण बावरलो नाहीत.
दुसरी लाट आली असली तरी,
पहिलीतून सावरलो नाहीत.

घरी राहिलो,सुरक्षित राहिलो,
आपली सुरक्षा सर्वश्रेष्ठ होती !
उद्या इतिहास लिहिला जावा,
भारतातली कोरोनाची लाट
फर्स्ट अँड लास्ट होती !!

सूर्यकांत डोळसे,पाटोदा(बीड)
मोबाईल-99238472692
----------------------------------------
चिमटा-5837
दैनिक पुण्यनगरी
23जून2020
-----------------------------
--------------------------
#कोरोना

उलट्या बोंबा

आजची वात्रटिका
----------------------------

सगळीकडे बोंबाबोंब

जे पाठीशी उभे राहतात,
त्यांच्याकडूनच धोके होतात.
सगळेच विरोधी पक्ष,
शेतकऱ्यांचे पाठीराखे होतात.

विरोधक सत्ताधारी झाले की,
शेतकऱ्यांना टोप्या असतात !
काही करण्यापेक्षा,
फक्त बोंबाच सोप्या असतात !

-सूर्यकांत डोळसे,पाटोदा(बीड)
मोबाईल-99238472692
-------------------------
फेरफटका-7322
दैनिक झुंजार नेता
23जून2020
----------------------------
#कोरोना

त्रिवेणी संगम

आजची वात्रटिका
----------------------------

त्रिवेणी संगम

हल्ल्यावर प्रतिहल्ला,
गौप्यस्फोटावर गौप्यस्फोट आहे.
तेवढे सोडून बोला,
सध्या कुणा-कुणाची मोट आहे?

एकमेकांच्या प्रतिमेवर,
एकमेकांचा पोतारा आहे.
जणू कोरोनाच्या टेन्शनवर,
हा राजकीय उतारा आहे ?

चघळा-चघळी चालू आहे,
जणू तोंडात चिंगम आहे !
आपण श्रद्धेने हात जोडू,
हा 'त्रिवेणी संगम' आहे !!

सूर्यकांत डोळसे,पाटोदा(बीड)
मोबाईल-99238472692
----------------------------------------
चिमटा-5838
दैनिक पुण्यनगरी
24जून2020
-------------------------
#कोरोना

सगळीकडे बोंबाबोंब

आजची वात्रटिका
----------------------------

सगळीकडे बोंबाबोंब

जे पाठीशी उभे राहतात,
त्यांच्याकडूनच धोके होतात.
सगळेच विरोधी पक्ष,
शेतकऱ्यांचे पाठीराखे होतात.

विरोधक सत्ताधारी झाले की,
शेतकऱ्यांना टोप्या असतात !
काही करण्यापेक्षा,
फक्त बोंबाच सोप्या असतात !

-सूर्यकांत डोळसे,पाटोदा(बीड)
मोबाईल-99238472692
-------------------------
फेरफटका-7322
दैनिक झुंजार नेता
23जून2020
----------------------------
#कोरोना

राजकीय ग्रहण

आजची वात्रटिका
----------------------------

राजकीय ग्रहण

चमकणाऱ्या कार्यकर्त्यांवर,
नेत्याची छाया असते.
आंजरले जाते,गोंजरले जाते,
इतरांना वाटते माया आहे.

राजकीय चष्म्यातूनच,
हा प्रकार पहिला पाहिजे !
नेत्यांना वाटत असते,
आपला कार्यकर्ता हा,
कार्यकर्ताच राहिला पाहिजे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5836
दैनिक पुण्यनगरी
22जून2020
--------------------------

अति तिथे माती

आजची वात्रटिका
----------------------------
अति तिथे माती

लढाई कोरोनाशी असली तरी,
आपला आपल्याशी तह आहे.
लॉक डाऊनच्या उपायांवर,
आपल्याला अनलॉकचा मोह आहे.

कोरोना मुळापासून गेला,
अशी अनलॉकची स्थिती आहे !
सगळ्या लॉकडाऊनची,
एक अनलॉकमध्ये माती आहे !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7320
दैनिक झुंजार नेता
21जून2020
--------------------------

वैश्विक सत्य

आजची वात्रटिका
----------------------------

वैश्विक सत्य

जगबुडीच्या अफवेला,
जगामध्ये अंत नाही.
जगबुडी येवो; वा येवो,
अफवेखोरांना खंत नाही.

जगबुडी झालीही असेल,
तो जगाचा नियम आहे !
अफवेखोरांची औलाद मात्र,
जगात अजूनही कायन आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5835
दैनिक पुण्यनगरी
21ज1न2020
--------------------------
#कोरोना

दारामागचे सत्य

आजची वात्रटिका
----------------------------

दारामागचे सत्य

जे पुढच्या दाराने येवू शकतात,
तेच मागच्या दाराने आत असतात.
राज्यसभा आणि विधान परिषद,
त्यामुळेच जीवाला खात असतात.

मागून आत आलेलेच मग,
गुणी,ज्ञानी,कलावंत गणले जातात !
सामाजिक योगदानावाशिवाय का?
ते मागून आत आणले जातात !!

-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7319
दैनिक झुंजार नेता
20जून2020
--------------------------
#कोरोना

कोरोनाचा गुंगारा

आजची वात्रटिका
----------------------------

कोरोनाचा गुंगारा

कोरोनाचा विळखा म्हणजे,
पक्का असंगाशी संग आहे.
वाटा पळवाटा काढताना,
सर्व जगाची मती गुंग आहे.

कोरोना व्हायरसचा,
सर्वांनाच मोठा गुंगारा आहे !
उघडे पडले तांत्रिक-मांत्रिक,
ज्याचा उडाला धुराळा,
तो ताईत आणि अंगारा आहे !!

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5834
दैनिक पुण्यनगरी
20जून2020
----------------------------
#कोरोना

नाक दाबले की...

आजची वात्रटिका

----------------------------

दारामागचे सत्य

जे पुढच्या दाराने येवू शकतात,

तेच मागच्या दाराने आत असतात.

राज्यसभा आणि विधान परिषद,

त्यामुळेच जीवाला खात असतात.

मागून आत आलेलेच मग,

गुणी,ज्ञानी,कलावंत गणले जातात !

सामाजिक योगदानावाशिवाय का?

ते मागून आत आणले जातात !!

-सूर्यकांत डोळसे,पाटोदा(बीड)

मोबाईल-9923847269

-------------------------

फेरफटका-7319

दैनिक झुंजार नेता

20जून2020

--------------------------

#कोरोना

वाचा आणि इतरांनाही शेअर करा.

माझ्या दैनिक पुण्यनगरीतील

'चिमटा'

आणि दैनिक झुंजार नेता तील

'फेरफटका'

या सदरातील

आणि साप्ताहिक सूर्यकांती मधील

सतरा हजारांपैकी,

सहा हजारांहून जास्त

वात्रटिका

वाचण्यासाठी आणि इतरांना शेअर करण्यासाठी पुढील लिंकवर क्लिक करा

----------------------------------------

https://suryakantdolase.blogspot.com

विशेष सूचना-माझ्या वात्रटिकात काही आक्षेपार्ह वाटले तर माझ्या मूळ पोस्ट तपासाव्यात किंवा माझ्याशी प्रत्यक्ष संपर्क साधून खात्री करावी तसेच एखादी प्रिंट मिस्टेक दिसली तर मला त्वरित कळवा.

-सूर्यकांत डोळसे