Tuesday, December 31, 2019

प्रायव्हेट लिमिटेड

आजची वात्रटिका
-----------------------------------------
प्रायव्हेट लिमिटेड
जसे मुंढे अँड ब्रदर्स आहेत,
तसे ठाकरे अँड सन्स आहेत.
तुम्ही आम्ही वांझोटे,
त्यांच्यातच राजकीय जीन्स आहेत.
आज्जा जातो,नातू येतो,
पाटील अँड कंपनीचा वचक आहे !
घराणेशाहीमुळे लोकशाहीची,
अचक,वचक आणि पचक आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7164
दैनिक झुंजार नेता
31डिसेंबर2019

मंत्रिमंडळ दर्शन

आजची वात्रटिका
-----------------------------------------
मंत्रिमंडळ दर्शन
सोयरे आहेत;धायरे आहेत,
पाहूणे आणि रावळे आहेत.
हाताची घडी,तोंडावर बोट,
बावचळलेले मावळे आहेत.
लोकशाहीच्या फटीत,
घराणेशाहीची मेख आहे.
गजब-अजब सरकारमध्ये,
बापासोबत लेक आहे.
विक्रमावर विक्रम,
सोबत विक्रमादित्य आहेत !
परंपरेप्रमाणे विरोधकांचे आरोप,
शत प्रतिशत सत्य आहेत !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5672
दैनिक पुण्यनगरी
31डिसेंबर 2019

Monday, December 30, 2019

भूत विद्या

आजची वात्रटिका
-----------------------------------------
भूत विद्या
समाज पुरोगामी होतोय,
हा आपला मोठा भ्रम आहे.
बनारस विद्यापीठात म्हणे,
भूत-विद्येचा अभ्यासक्रम आहे.
तंत्रविद्या आहे,मंत्रविद्या आहे,
सोबतच जारण-मारण आहे !
जणू काळ्या जादूपुढे,
आपला विवेकवाद तारण आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7163
दैनिक झुंजार नेता
30डिसेंबर2019

महासत्तेची वाटचाल

आजची वात्रटिका
-----------------------------------------
महासत्तेची वाटचाल
देश महासत्ता होणार होता?
आमची काही भुणभुण नाही.
दोन हजार वीस साल आले;
पण त्याची काही कुणकुण नाही.
देश महासत्ता नक्की होईल,
आज महा मात्र सत्ता झाली आहे !
तुम्ही आम्ही पुन्हा निर्धार करू,
ती वेळ आज आत्ता आली आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5671
दैनिक पुण्यनगरी
30डिसेंबर 2019

Sunday, December 29, 2019

सिस्टीम जिंदाबाद

आजची वात्रटिका
-----------------------------------------
सिस्टीम जिंदाबाद
सिस्टीमचे झेले व्हा,
सिस्टीमचे चेले व्हा.
लुच्चे, लफंगे, लबाडांचे,
तुम्हीसुद्धा साले व्हा.
तुम्ही तिला डोक्यावर घ्या,
सिस्टीम तुम्हाला डोक्यावर घेते.
तुम्ही दलाल झालात की,
सिस्टीम तुम्हाला ठेक्यावर देते.
सिस्टीमला शेळ्या हव्यात,
तिला वाघ नको असतात !
सारखे फुस्स फुस्स करणारे,
तिला नाग नको असतात !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7162
दैनिक झुंजार नेता
29डिसेंबर2019

वर्षावरची 'वॉल' पेंटींग

आजची वात्रटिका
-----------------------------------------
वर्षावरची 'वॉल' पेंटींग
'वर्षा' वरच्या पोरखेळाने,
धोक्याची घंटी वाजायला लागली.
आपल्यावरच्या कॉमेंट्स वाचून,
भिंतही लाजायला लागली.
टीका-टिप्पणी जरूर व्हावी,
त्यात खेद किंवा खंत नाही !
पण वर्षा बंगल्याची भिंत म्हणजे,
सुलभ शौचालयाची भिंत नाही!!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5670
दैनिक पुण्यनगरी
29डिसेंबर 2019

Saturday, December 28, 2019

धुराळा

आजची वात्रटिका
-----------------------------------------
धुराळा
कालचा राडा निराळा होता,
आजचा राडा निराळा आहे.
विधानसभेच्या धुराळ्यानंतर,
जिल्हा परिषदांचा धुराळा आहे.
जे चित्र अगदी स्पष्ट होते,
धुराळ्यामुळे ते आता अस्पष्ट आहे !
कानामागून येऊनच्या येऊन,
सासुपेक्षा सूनसुद्धा खाष्ट आहे!!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7161
दैनिक झुंजार नेता
28डिसेंबर2019

अकाऊंट डीटेल्स

आजची वात्रटिका
-----------------------------------------
अकाऊंट डीटेल्स
यशस्वी आणि अयशस्वी
पुरुषामागे बायकोचा हात असतो.
नवरोबाचा विक पॉईंट,
बायकांनाच पक्का ज्ञात असतो.
तुमची-आमची,मंत्र्या-संत्र्याची,
वा मुख्यमंत्र्यांची असो,
स्वभावामध्ये एकच नाते असते !
त्यांना पक्के ठाऊक,
नवऱ्याचे कुठे कुठे खाते असते ?
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5669
दैनिक पुण्यनगरी
28डिसेंबर 2019

अकाऊंट डीटेल्स


Friday, December 27, 2019

मालिकांची 'डब' घाई

आजची वात्रटिका
-----------------------------------------
मालिकांची 'डब' घाई
माझ्या नवऱ्याच्या बायकोनंतर,
माझ्या बायकोचा नवरा निघू शकते.
चॅनलवालेही परीक्षा बघत आहेत,
प्रेक्षक मंडळी काय काय बघू शकते?
रहस्यमय मालिकांपेक्षाही
कौटुंबिक मालिकाच हॉरर आहेत !
जणू हिंदी चॅनल वाल्यांचे,
मराठी चॅनलवाले मिरर आहेत !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5668
दैनिक पुण्यनगरी
27डिसेंबर 2019

बॉम्बे मार्केट

आजची वात्रटिका
-----------------------------------------
बॉम्बे मार्केट
गुणिले उलट भागिले,
भागिले उलट गुणिले होऊ लागले.
नव-नवे सत्ता समीकरणे,
रोज रोज उदयाला येऊ लागले.
जशी बनली समीकरणे,
तसे त्यामागचे लॉजिक आहे.
कुणालाही भुरळ पडावी,
अशी त्यांच्या फिगरचे मॅजिक आहे.
कुणाची स्थानिक किंमत वाढली,
कुणाचा हातचा उधार आहे !
गल्ली-बोळातल्या समीकरणांनाही,
बॉम्बे मार्केटचा आधार आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7160
दैनिक झुंजार नेता

Thursday, December 26, 2019

लोक निरपेक्षता

आजची वात्रटिका
-----------------------------------------
लोक निरपेक्षता
लोकशाहीत कुणावाचून कुणाचे,
कधी काहीच अडलेले नाही.
पंतप्रधान,मुख्यमंत्री आहेत की नाही?
याचेही कुणाला काही पडलेले नाही.
मग मंत्र्या-संत्र्याची तर,
गणतीही करायला नको वाटते !
मंत्रीमंडळ विस्तार होणार की नाही?
अशी अपेक्षा धरायला नको वाटते!!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7159
दैनिक झुंजार नेता
26डिसेंबर2019

बुद्धीग्रहण

आजची वात्रटिका
-----------------------------------------
बुद्धीग्रहण
सूर्य आणि चंद्रग्रहणापेक्षा
बुद्धीग्रहण धोकेदायक आहे.
ग्रहणांची वास्तविकता,
समजून घेण्यालायक आहे.
आपण संधी देतो म्हणून,
नवे राहू-केतू टपलेले आहेत !
सांस्कृतिक वैभव म्हणून,
आपण जळमटं जपलेले आहेत !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5667
दैनिक पुण्यनगरी
26डिसेंबर 2019

Wednesday, December 25, 2019

दोस्ती-दुष्मनी

आजची वात्रटिका
-----------------------------------------
दोस्ती-दुष्मनी
जेंव्हा दोस्त शत्रू होतात,
आणि शत्रू दोस्त होतात.
तेंव्हा सगळ्या मान मर्यादा,
उठता बसता ध्वस्त होतात.
जे झाकायला जावे,
ते सगळे उघडे होऊ लागते !
नागडे सत्य मग,
आणखीनच नागडे होऊ लागते !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7158
दैनिक झुंजार नेता
25डिसेंबर2019

हजामत

आजची वात्रटिका
-----------------------------------------
हजामत
टीकाकारांच्या नकारात्मकतेची
नकारात्मक नक्कल आहे.
नेतृत्त्वावर टीका करणाराचे,
सैनिकांकडून टक्कल आहे.
त्यांच्यात आणि यांच्यात
फरक कुठे फारसा आहे?
निदान सैनिकांना तरी,
प्रबोधनाचा 'मार्मिक' वारसा आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5666
दैनिक पुण्यनगरी
25डिसेंबर 2019

Tuesday, December 24, 2019

अमृताचे बोल



आजची वात्रटिका
-----------------------------------------
अमृताचे बोल
लोकशाहीची घराणेशाही झाली,
हे आता सोदाहरण पटू लागले.
त्यामुळेच 'अमृता'चे बोलही,
आता विषारी वाटू लागले.
नाचता येईना,
म्हणे अंगणच वाकडे आहे !
कितीही थयथयाट केला तरी,
त्यांचे समर्थनच तोकडे आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7157
दैनिक झुंजार नेता
24डिसेंबर2019
----------------------------------------
वाचा आणि इतरांनाही शेअर करा.
माझ्या दैनिक पुण्यनगरीतील
'चिमटा'
आणि दैनिक झुंजार नेता तील
'फेरफटका'
या सदरातील सतरा हजारांपैकी,
सहा हजारांहून जास्त निवडक
वात्रटिका
वाचण्यासाठी आणि इतरांना
शेअर करण्यासाठी क्लिक करा.

अरे देवा...

आजची वात्रटिका
-----------------------------------------
अरे देवा...
देव-देवतांच्या इज्जतीवर
दरोडे पडू लागले.
देवांच्या देवळातच,
चोरीचे प्रकार वाढू लागले.
झोपलेल्या देवांचे ठीक,
त्यांना चोरीचा फटका आहे !
पण जे देव जागृत आहेत,
त्यांनाही चोरांचा झटका आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5665
दैनिक पुण्यनगरी
24डिसेंबर 2019

Monday, December 23, 2019

तिघाडीचा मामला

आजची वात्रटिका
-----------------------------------------
तिघाडीचा मामला
जसी त्यांची तिघाडी आहे,
तशी त्यांची बिघाडी आहे.
महाविकासाचे स्वप्न दाखवणारी,
त्यांची नवी आघाडी आहे.
त्यांच्या तिघाडीचे परिणाम,
ग्रामपंचायतपर्यंत होऊ लागले !
नवनवीन समीकरणे,
राज्यात उदयाला येऊ लागले !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7156
दैनिक झुंजार नेता
23डिसेंबर2019

रडकथा

आजची वात्रटिका
-----------------------------------------
रडकथा
राजकारण साधेसुधे उरले नाही,
आजकाल ते भलतेच कडू आहे.
जे गुंतले चक्रव्यूहात,
त्या भल्या-भल्यांना रडू आहे.
हे काही उथळ भाष्य नाही,
मोठ्या जबाबदारीचे विधान आहे!
भल्या-भल्यांचे नैराश्य बघून,
आमचे हे अचूक निदान आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5664
दैनिक पुण्यनगरी
23डिसेंबर 2019

Sunday, December 22, 2019

शिवभोजन

आजची वात्रटिका
-----------------------------------------
शिवभोजन
भाकरीच्या हातावर
झुणक्याची टाळी आहे.
फक्त दहा रुपयात,
शिवभोजन थाळी आहे.
शिवभोजन थाळीचे मूळ,
झुणका आणि भाकर आहे !
भरल्या पोटी सेनेकडून
आश्वासन पूर्तीचा ढेकर आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7155
दैनिक झुंजार नेता
22डिसेंबर2019

महात्मा फुले कर्जमाफी

आजची वात्रटिका
-----------------------------------------
महात्मा फुले कर्जमाफी
ऑनलाईन कर्जमाफी
आता ऑफलाईन आहे.
अटी-तटीचा अडथळा नाही,
ही चांगली साईन आहे.
कर्जमाफीचा दिलेला शब्द,
तेंव्हाच शंभर टक्के पुरा होईल,!
विरोधकांची बोलती बंद होऊन,
जेंव्हा सातबारा कोरा होईल !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5663
दैनिक पुण्यनगरी
22डिसेंबर 2019

Saturday, December 21, 2019

क्लिन चीट

आजची वात्रटिका
-----------------------------------------
क्लिन चीट
याला क्लिन चीट आहे,
त्याला क्लिन चीट आहे.
आळी-पाळीने मिळणाऱ्या,
क्लिन चीटचा वीट आहे.
क्लिन चिटचा व्यवहार,
साट्या-लोट्याचा आहे !
क्लिन चिटचा हा खेळ,
थोरा-मोठ्याचा आहे!!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7154
दैनिक झुंजार नेता
21डिसेंबर2019

नागरिकहो...

आजची वात्रटिका
-----------------------------------------
नागरिकहो...
खोट्याबरोबर खऱ्याचीही,
जिकडे तिकडे बोंब आहे.
देशात सर्वत्र पसरलेला,
आगडोंब एके आगडोंब आहे.
पेटता हा देश बघून,
आपण संयमाने वागू या !
विवेक शाबूत ठेवून,
शांततेचे दान मागू या !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5662
दैनिक पुण्यनगरी
21डिसेंबर 2019

Friday, December 20, 2019

विधानसभा2019

आजची वात्रटिका
-----------------------------------------
विधानसभा2019
या बाकावरून,त्या बाकावर
अगदी खच्चून आहेत.
पुन्हा तेच तेच चेहरे,
नाकावर टिच्चून आहेत.
काल वेगळा होता,
आज नवा रोल आहे !
सत्तांतर झाल्याचा,
समजच फोल आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7153
दैनिक झुंजार नेता
20डिसेंबर2019

सरकारी फरक

आजची वात्रटिका
-----------------------------------------
सरकारी फरक
आरेला कारे म्हटले गेले,
अजून बरेच बाकी आहे.
त्यांचे सरकार दुचाकी होते,
यांचे मात्र तीन चाकी आहे.
कालचे होते दुचाकी,
आजचे तीन चाकी रिक्षा आहे !
मी पुन्हा येईन म्हणणाराला,
विरोधी बाकावरती
बसण्याची शिक्षा आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5661
दैनिक पुण्यनगरी
20डिसेंबर 2019

Wednesday, December 18, 2019

हिंसेचा पुरस्कार

आजची वात्रटिका
-----------------------------------------
हिंसेचा पुरस्कार
काहीतरी,कुठेतरी,
नक्कीच घोळ आहे.
त्याशिवाय का देशात,
सर्वत्र जाळपोळ आहे?
लागलेल्या आगीत,
याचे त्याचे तेल आहे.
अफवा आणि वावडयांचा,
खूप मोठा सेल आहे.
अफवा आणि वावड्यांना
शांततेचा तिरस्कार आहे !
हिंस्त्र श्वापदांकडून
हिंसेचा पुरस्कार आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7151
दैनिक झुंजार नेता
18डिसेंबर2019

Tuesday, December 17, 2019

लक्की ड्रॉ

आजची वात्रटिका
-----------------------------------------
लक्की ड्रॉ
ज्यांची गेली संधी,
ते कावरे बावरे झाले,
गोंधळल्या बायका,
खूश त्यांचे नवरे झाले.
आरक्षणाचे ड्रॉ,
खरोखरच लक्की आहेत !
बायकोच्या जागी नवरोबा,
अगदी नक्की आहेत !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7150
दैनिक झुंजार नेता
17डिसेंबर2019

आवाज कुणाचा?

आजची वात्रटिका
-----------------------------------------
आवाज कुणाचा?
पक्षांतराच्या राजकारणाचा,
सर्वांनाच धोका आहे.
काल ज्यांचा जयजयकार,
आज त्यांच्यावरच टीका आहे.
स्तुती काय?टीका काय?
सगळेच अगदी निरस आहे !
हा आतला आवाज नाही,
तो निव्वळ कोरस आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5658
दैनिक पुण्यनगरी
17डिसेंबर 2019

Monday, December 16, 2019

अजब तुझे सरकार

आजची वात्रटिका
-----------------------------------------
अजब तुझे सरकार
बेकीपेक्षा एकीला,
वास्तवाचा आसरा आहे.
आधी फक्त दोघे होते,
आता दोघात तिसरा आहे.
तीन तिघाडे असल्याने,
सेन्सॉरची कात्री आहे !
त्रिसूत्रीचा पायाच,
तिघांची एकसूत्री आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5657
दैनिक पुण्यनगरी
16डिसेंबर 2019

Sunday, December 15, 2019

पोरकटपणा

आजची वात्रटिका
-----------------------------------------
पोरकटपणा
हेही तऱ्हेवाईक आहेत,
तेही तऱ्हेवाईक आहेत.
वेगवेगळ्या महापुरुषांचे,
वेगवेगळे पाईक आहेत.
सगळे वेगवेगळे असले तरी,
साधर्म्य मात्र एक आहे !
महापुरुषांची बदनामी करीत,
महापुरुषांवर चिखलफेक आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7148
दैनिक झुंजार नेता
15डिसेंबर2019

रिमोट आणि कंट्रोल

आजची वात्रटिका
-----------------------------------------
रिमोट आणि कंट्रोल
आहे ते वास्तव आहे,
हा थोडाच जोक आहे?
हल्ली रिमोट कंट्रोलचा पत्ता,
'सिल्व्हर ओक' आहे.
मातोश्रीवरून येणारा आदेश,
सिल्व्हर ओकवरून येत आहे !
बदलते राजकारण,
सैनिक समजून घेत आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5656
दैनिक पुण्यनगरी
15डिसेंबर 2019

Saturday, December 14, 2019

अंधा कानून

आजची वात्रटिका
-----------------------------------------
अंधा कानून
तेंव्हा खरी मजा येते,
जेंव्हा भक्त विरुद्ध भक्त असतात.
त्यांच्या सगळ्या भाव-भावना,
आंधळ्या प्रेमाने युक्त असतात.
आंधळे भक्त,आंधळी भक्ती,
आंधळेपणाचा कहर असतो !
भक्ती प्रदर्शनाची संधी मिळताच,
आंधळेपणाला बहर असतो !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7147
दैनिक झुंजार नेता
14डिसेंबर2019

सत्तेचे वरदान

आजची वात्रटिका
-----------------------------------------
सत्तेचे वरदान
सत्ता हाती नसली की,
फार फाटाफूट होत नाही.
ओढाओढी नसल्याने,
फार ताटातूट होत नाही.
सत्ताधाऱ्यांपेक्षा विरोधकांना
बंडाचे जास्त धोके असतात !
सत्ता लोण्याचा गोळा असेल तर,
टपलेले बोकेच बोके असतात !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5655
दैनिक पुण्यनगरी
14डिसेंबर 2019

Friday, December 13, 2019

राजकीय निराधार

आजची वात्रटिका
-----------------------------------------
राजकीय निराधार
त्यांची खेळी यशस्वी,
यांचा मात्र खेळखंडोबा झाला.
कालपर्यंतचा थंडोबा,
आज मात्र बंडोबा झाला.
बंडोबा काय,थंडोबा काय?
कशालाच कसला आधार नाही !
सांगितले कोणतेही कारण,
त्यातले कोणतेच साधार नाही !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7146
दैनिक झुंजार नेता
13डिसेंबर2019

सत्तार्थ

आजची वात्रटिका
-----------------------------------------
सत्तार्थ
हात धुवून घेण्यासाठी,
त्यांना वाहती गंगा लागते.
हाती सत्ता असली की,
ती सर्वांच्याच अंगा लागते.
नेते काय?कार्यकर्ते काय?
सर्वांची एकच तऱ्हा आहे !
'जिकडे सत्ता, तिकडे जत्था,'
हाच सर्वांचा नारा आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5654
दैनिक पुण्यनगरी
13डिसेंबर 2019

Thursday, December 12, 2019

पतधोरण

आजची वात्रटिका
-----------------------------------------
पतधोरण
सत्ता असो वा नसो,
कार्यकर्ते पोसावे लागतात.
सत्ता हाती नसली की,
चटके सोसावे लागतात.
नेते आणि कार्यकर्ते,
यांची सारखीच गत असते !
सत्तेच्या भांडवलावरच
बाजारात पत असते !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5653
दैनिक पुण्यनगरी
12डिसेंबर 2019

Wednesday, December 11, 2019

विद्रूप वास्तव

आजची वात्रटिका
-----------------------------------------
विद्रूप वास्तव
बलात्काऱ्यांच्या एन्काऊंटरनंतरही
बलात्कार काही थांबले नाहीत.
त्याची बोंबाबोंब करायला,
आम्ही काही बोंबले नाहीत.
बलात्काराचे हे विद्रूप वास्तव,
असह्य आणि वेदनादायी आहे !
एन्काऊंटर हा रामबाण उपाय आहे,
हा निष्कर्ष काढण्याची घाई आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7145
दैनिक झुंजार नेता
11डिसेंबर2019

कटी पतंग

आजची वात्रटिका
-----------------------------------------
कटी पतंग
नाराजी आहे,निराशा आहे,
रुसवे आणि फुगवे आहेत.
या दारातून त्या दारात,
नाराजांचे जोगवे आहेत.
कुणाला हक्क हवा आहे,
कुणाला पुनर्वसन हवे आहे !
कुणी आपला काटा काढला,
हे ज्याचे त्याला ठावे आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5652
दैनिक पुण्यनगरी
11डिसेंबर 2019

Tuesday, December 10, 2019

जेल रिटर्न



आजची वात्रटिका
-----------------------------------------
जेल रिटर्न
राजकीय दर्जाची पातळी,
पहा कुठपर्यंत गेली आहे?
'जेल रिटर्न' हीसुद्धा,
नवीन पात्रता झाली आहे.
अनेक 'जेल रिटर्न' वाल्यांची,
पक्षा-पक्षात भरती आहे!
ज्यांची जोड्याने पूजा करावी,
त्यांचीच आज भरती आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7144
दैनिक झुंजार नेता
10डिसेंबर2019
-----------------------------------------
वाचा आणि इतरांनाही शेअर करा.
माझ्या दैनिक पुण्यनगरीतील
'चिमटा'
आणि दैनिक झुंजार नेता तील
'फेरफटका'
या सदरातील सतरा हजारांपैकी,
सहा हजारांहून जास्त निवडक
वात्रटिका
वाचण्यासाठी आणि इतरांना
शेअर करण्यासाठी क्लिक करा.

लव्ह ट्रँगल



आजची वात्रटिका
-----------------------------------------
लव्ह ट्रँगल
सरकारकडे बघण्याचा
ज्याचा त्याचा अँगल आहे.
महाराष्ट्र सरकार म्हणजे,
जणू 'लव्ह ट्रँगल' आहे.
या 'लव्ह ट्रँगल'चा स्लोगन,
'हम साथ साथ है' असा आहे !
जे सत्तेबाहेर फेकले,
त्यांची सत्तेसाठी वसा वसा आहे !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5651
दैनिक पुण्यनगरी
10डिसेंबर 2019
-----------------------------------------
वाचा आणि इतरांनाही शेअर करा.
माझ्या दैनिक पुण्यनगरीतील
'चिमटा'
आणि दैनिक झुंजार नेता तील
'फेरफटका'
या सदरातील सतरा हजारांपैकी,
सहा हजारांहून जास्त निवडक
वात्रटिका
वाचण्यासाठी आणि इतरांना
शेअर करण्यासाठी क्लिक करा.

Monday, December 9, 2019

सोयरेशाही

आजची वात्रटिका
-----------------------------------------
सोयरेशाही
मतदार राजा जागा हो,
रात्र नेहमीच वैऱ्याची आहे.
घराणेशाहीबरोबरच लोकशाही,
सोयऱ्या-धायऱ्याची आहे.
इतरांना विचारतो कोण?
ते तर नेहमीच ऐरे-गैरे आहेत !
खालपासून वरपर्यंत,
त्यांचेच सोयरे-धायरे आहेत !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7143
दैनिक झुंजार नेता
9डिसेंबर2019

नवे संदर्भ

आजची वात्रटिका
-----------------------------------------
नवे संदर्भ
इकडून तिकडे घुसणे हाच,
राजकीय अनुभव गणला जातो.
सर्व पक्षात फिरून आलेला,
राजकीय मुत्सद्दी मानला जातो.
फोडाफोडी आणि ओढाओढी,
या सख्ख्या आणि पक्क्या आहेत !
जसा बदलला काळ,
तशा बदललेल्या व्याख्या आहेत !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5650
दैनिक पुण्यनगरी
9डिसेंबर 2019

Sunday, December 8, 2019

न्याय -निवाडा

आजची वात्रटिका
-----------------------------------------
न्याय -निवाडा
आयुष्याची वाट लागली तरी,
कुणी कुणी न्याय मागत आहे.
तारीख पे तारीखमुळे,
देशात एन्काऊंटरचे स्वागत आहे.
न्याय तात्काळ हवा असला तरी,
त्यासाठी कायद्याचा मुडदा नको !
तिच्या डोळ्यावर पट्टी आहे,
त्यात पुन्हा आडपडदा नको !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7142
दैनिक झुंजार नेता
8डिसेंबर2019

अतितज्ञ

आजची वात्रटिका
-------------------------------------
अतितज्ञ
सोशल मीडियामुळे
खूप बदल घडले आहेत.
सुज्ञ लोकांपेक्षाही,
अतितज्ञ वाढले आहेत.
अतितज्ञानामध्ये स्पर्धा,
तू श्रेष्ठ की मी श्रेष्ठ आहे ?
अर्धवटरावांचे ज्ञान,
ए टू झेड कॉपी पेस्ट आहे !
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5649
दैनिक पुण्यनगरी

Saturday, December 7, 2019

वैधानिक इशारा

आजची वात्रटिका
----------------------------------------
वैधानिक इशारा
कुणाच्या भावना सुखाऊ शकतात,
कुणाच्या भावना दुखावू शकतात.
बलात्कारी मारल्याचे दुःख नाही,
पण पोलीस मात्र सोकाऊ शकतात.
हैदराबादच्या एन्काऊंटरमुळे,
बलात्काऱ्यावर वचक बसू शकतो !
यातून जो वैधानिक इशारा गेला,
हा इशाराही सूचक असू शकतो !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7141
दैनिक झुंजार नेता
7डिसेंबर2019

हैद्राबादी न्याय

आजची वात्रटिका
-------------------------------------
हैद्राबादी न्याय
बलात्कार जंगली होता,
त्याची शिक्षाही जंगली आहे.
कुणाला वाटते अयोग्य,
कुणाला वाटते चांगली आहे.
कायद्याच्या चौकटीतून
हा न्याय आला असता तर,
अधिक बरे झाले असते !
इथे कायद्याचे राज्य आहे,
हे अगदी खरे झाले असते !!
-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5648
दैनिक पुण्यनगरी
7डिसेंबर 2019

Friday, December 6, 2019

नेतेनिष्ठ

आजची वात्रटिका
-------------------------------------
नेतेनिष्ठ
कार्यकर्त्यांच्या विचाराला,
कार्यकर्त्यांची साक्ष आहे.
त्यांचा नेता हाच,
त्यांचा राजकीय पक्ष आहे.
पक्षनिष्ठ राजकारण,
आता व्यक्तीनिष्ठ आहे !
आपल्याच नेत्यांची,
पक्षा-पक्षाला दृष्ट आहे !!
-सूर्यकांत डोळसे,पाटोदा(बीड)
मोबाईल-9923847269
-------------------------
फेरफटका-7140
दैनिक झुंजार नेता
6डिसेंबर2019

daily vatratika...19march2024