पेच प्रसंग...मराठी वात्रटिका

आजची वात्रटिका

----------------------------

पेच प्रसंग

टिंगल झाली,टवाळी झाली,

खंडण झाले, मंडण झाले,

पक्षीय वाद-विवाद म्हणजे,

बायका बायकांचे भांडण झाले.

राजकीय वादावादीला,

हा तर घरगुती टच आहे !

वाद कुठल्या थराला जाईल?

सामान्य जनतेला पेच आहे !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-7831

दैनिक झुंजार नेता

31जानेवारी 2022

 

भक्तीरिया ....मराठी वात्रटिका

आजची वात्रटिका

----------------------------

भक्तीरिया

जिथे बुवा तिथे बाया,

लफड्यांना कुठे अंत आहेत?

तरी सुद्धा भक्तांचा दावा,

आमचे गुरू राष्ट्रसंत आहेत.

याला लफडे म्हणू नका,

ही तर गुरूंची लीला आहे!

आता मात्र खात्री पटली,

भक्तांना भक्तीरिया झाला आहे!!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6397

दैनिक पुण्यनगरी

31जानेवारी 2022

 

तळीरामांच्या मागण्या...मराठी वात्रटिका

आजची वात्रटिका

----------------------------

तळीरामांच्या मागण्या

दिल्ली सारखेच सर्वत्र,

ड्राय डे कमी झाले पाहिजेत.

आता खेड्यापाड्यात सुद्धा,

सुपर मार्केट आले पाहिजेत.

आम्ही अनुभवाने सांगतो,

वाईन म्हणजे काही दारू नाही!

जे बोटी चपटी वाटतात त्यांनी ,

दारूचे राजकारण करू नाही !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6396

दैनिक पुण्यनगरी

30जानेवारी 2022

 

मास्क मुक्ती.. मराठी वात्रटिका

आजची वात्रटिका

----------------------------

मास्क मुक्ती

कुणी केले सावध स्वागत,

कुणाकडून रेवड्या आहेत.

ज्याच्या त्याच्या तोंडी,

मास्क मुक्तीच्या वावड्या आहेत.

मास्कमुक्तीचा निर्णय,

विचारपूर्वकच घ्यावा लागेल!

दंड भरलेल्या लोकांना,

तो व्याजासह परत द्यावा लागेल !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7830

दैनिक झुंजार नेता

30जानेवारी 2022

 

सुपर..... मार्केट!....मराठी वात्रटिका

आजची वात्रटिका

----------------------------

सुपर..... मार्केट!

सगळ्या खातडा पेताडांची,

पुरती हौस फिटली आहे.

किराणा मालाच्या यादीत,

आता ब्रँडीची बाटली आहे.

मार्केटमध्ये वाइन मिळणार,

डोके तर खूप 'सुपर' आहे !

पिणारे पितील;खाणारे खातील,

सरकारच्या डोक्यावर खापर आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

29जानेवारी 2022

 

इशारे..मराठी वात्रटिका

आजची वात्रटिका

----------------------------

इशारे

कधी पक्षादेश पाळले जातात,

कधी नवे मार्ग चाळले जातात.

पक्षादेश टाळण्याचे इशारे येताच,

सरळ पक्षादेश टाळले जातात.

पाळापाळी आणि टाळाटाळी,

राजकीय चाली असू शकतात !

फक्त समजणारांच्याच,

हे इशारे डोक्यात घुसू शकतात !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7829

दैनिक झुंजार नेता

29जानेवारी 2022

 

रोखा रोखी... मराठी वात्रटिका

आजची वात्रटिका

----------------------------

रोखा रोखी

सवतीच्या रंडकेपणासाठी,

इथे नवराही मारला जातो.

वाट्टेल त्याच्याशी पाठ लावून,

वाट्टेल तो वरला जातो.

वाट्टेल तसे कारण मग,

सत्तेपोटी ठोकले जाते !

दगडाला शेंदूर लावून,

विरोधकांना रोखले जाते!!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7828

दैनिक झुंजार नेता

28जानेवारी 2022

 

आट्या - पाट्या.... मराठी वात्रटिका

आजची वात्रटिका

----------------------------

आट्या - पाट्या

कुणी पूज्य,कुणी अपूज्य,

कुणावर कशी वेळ आहे?

खेळाच्या मैदानावर,

आट्या-पाट्याचा खेळ आहे.

आपण गोट्या खेळतो म्हणून,

त्यांच्या आट्यापाट्या रंगतात !

सगळे राजकीय इतिहास,

बदललेल्या पाट्या सांगतात !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6390

दैनिक पुण्यनगरी

28जानेवारी 2022