आजची वात्रटिका
----------------------------
पराभव दर्शन
कधीकधी शस्त्र पडतात गळून,
लढायचे असूनही लढता येत नाही.
आरोप एवढे मायावी की,
आरोपांचा शब्दही खोडता येत नाही.
तरीही तुम्ही हात-पाय गाळू नका,
खोट्या प्रलोभनावरती भाळू नका.
रडायचे तर एकांतात खुशाल रडा,
पण लोकांसमोर आसवं ढाळू नका
आसवं दिसतात,लोक हसतात,
त्यांच्यासाठी ती चांदी असू शकते !
तुमची हतबलता म्हणजेच,
त्यांच्या विजयाची नांदी असू शकते !!
-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6387
दैनिक पुण्यनगरी
23जानेवारी 2022
No comments:
Post a Comment