आजची वात्रटिका
---------------------------
गौप्यस्फोट
कुणाच्या कृतीत खोट आहे,
कुणाच्या हेतूत खोट आहे.
उशिरात उशिरा बोलले की,
म्हणतात हा गौप्यस्फोट आहे.
कुणाच्याही गौप्यस्फोटाला,
कुठे काळाचे बंधन असते?
आपलीच विश्वासार्हता,
विरोधकांना आंदण असते.
कुणाचे गौप्यस्फोट म्हणजे,
पाठीमागून केलेले वार असतात!
त्यांना गौप्यस्फोट वाटले तरी,
बहुतेकदा ते फुसके बार असतात !!
-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6594
दैनिक पुण्यनगरी
30सप्टेंबर 2022