धर्म चिकित्सा..... मराठी वात्रटिका

आजची वात्रटिका

----------------------------

धर्म चिकित्सा

आपल्या धर्माची चिकित्सा,

धर्मांधांना अजिबात आवडत नाही

आमचा सोडून दुसऱ्याचा धर्म,

चिकित्सेसाठी का निवडत नाही?

सर्वच धर्मांधांना वाटते,

आपले सवाल मार्मिक असतात.

जे करतात धर्म चिकित्सा;

त्यांच्या मते,ते अधर्मिक असतात.

धर्मचिकित्सकांना रोखले जाते,

त्यांच्यावर विष ओकले जाते !

मानवता हाच खरा धर्म आहे,

हे वाक्य फक्त घोकले जाते !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6577

दैनिक पुण्यनगरी

9सप्टेंबर 2022

-----------------------