माथेफिरूंनो... मराठी वात्रटिका

आजची वात्रटिका

----------------------------

माथेफिरूंनो...

एकदा अंगात आले की,

नको ते वारे घुमू शकतात.

जिकडे तिकडे जिंदाबादबरोबर,

मुर्दाबादचेही नारे घुमू शकतात.

देशप्रेम आणि देशद्रोहात,

संशयाला नक्की जागा आहे.

कानाबरोबर डोळ्यांनाही,

अगदी उघड उघड दगा आहे.

स्वतःबरोबर इतरांनाही,

संशयाच्या जाळ्यात अडकवू नका!

तुमच्याप्रमाणे इतरांचीही,

माथी उगीच भडकवू नका !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

दैनिक वात्रटिका

26सप्टेंबर2022