निष्ठेचा भावार्थ... मराठी वात्रटिका

आजची वात्रटिका

----------------------------

निष्ठेचा भावार्थ

जेवढे कट्टर, तेवढे सच्चे,

निष्ठेचे मोजमाप आहे.

निष्ठा मोजता मोजता,

आपल्यालाच धाप आहे.

तिकडेही कट्टर होते,

इकडेही कट्टर आहेत.

सरळ सरळ कट्टर होते,

वाकडेही कट्टर आहेत.

निष्ठा जेवढी कट्टर,

तेवढीच ती वाकावू आहे!

निष्ठेला भाव आहे,

कारण ती विकाऊ आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6582

दैनिक पुण्यनगरी

16सप्टेंबर 2022