युद्धप्रसंग

आजची वात्रटिका
---------------------------------------

युद्धप्रसंग

अदृश्य अश्या शत्रूशी
आज उघड लढाई आहे.
लोक गाफिल असल्याने,
कोरोनाची चढाई आहे.

रुग्णांची आकडेवारी बघून
भीतीचे गोळे पोटात आहेत.
सध्या निष्काळजी लोकच,
कोरोनाच्या गोटात आहेत.

लढाई जिंकूनही पराभव;
असे मुळीच व्हायला नको !
एका शूद्र विषाणूसाठी,
अपरिमित मोल जायला नको !

-सूर्यकांत डोळसे,पाटोदा(बीड)
मोबाईल-9923847269
----------------------------------------
चिमटा-5751
दैनिक पुण्यनगरी
22मार्च 2020
----------------------------- --------------
#कोरोना