आमच्या नजरेतला पाऊस

आमच्या नजरेतला पाऊस

पाऊस पुरता राजकारणी
लहरी त्याचे येणे असते.
पाऊस दाटतो डोळ्यात
माती काळ्या बाजाराचे बेणे असते.

पाऊस कृत्रिम तो कृत्रिम
खाल्ल्या मिठाला जागत नाही.
पाऊस तसा भ्रष्टाचारीच
फक्त नडून-आडून मागत नाही.

पाऊस सरकारसारखा हायब्रीड
त्याच्या कोसळण्याचा नेम नाही.
पाऊस जलात्कारी,
पाऊस बलात्कारी.
त्याच्या कोसळण्यात प्रेम नाही.

पाऊस बेईमान असला तरी,
त्याला बेईमान म्हणवत नाही !
तसे त्याचे उपकारच,
खताची टंचाई तरी जाणवत नाही !!

-सूर्यकांत डोळसे,पाटोदा(बीड)