**********************
भाऊराया वाचव रे....
तु वंशाचा दिवा
आमचे जगणेच बेचव रे
वेड्या बहिणीची नवी मागणी
भाऊराया वाचव रे....
जन्मापूर्वीच मला ठेचणारांचे
कान जरा टोचव रे
रक्षाबंधन बंद होऊ नये
भाऊराया वाचव रे....
वेड्या बहिणीची वेडी हाक
वेड्या भावांपर्यंत पोचव रे
फक्त तुच वाचवू शकतोस
भाऊराया वाचव रे....
फाटका हा पदर पसरते
तुझ्या प्रेमाने टाचव रे
राखीचे हे बंधन पाळ
भाऊराया वाचव रे.....
-सूर्यकांत डोळसे,पाटोदा (बीड)
9923847269
----------------------
चिमटा-1660
दैनिक पुण्यनगरी
5 ऑगस्ट 2019
No comments:
Post a Comment