व्यवहारीक सत्य

कोणताही भ्रष्टाचार म्हणजे
एक प्रकारची कुटीलता असते.
भ्रष्टाचार करणे सोपे,
त्याच्या सिद्धतेत जटीलता असते.

देणार्‍याने दिल्याशिवाय
घेणारा काही घेत नाही !
भ्रष्टाचार व्यवहार झाल्याने
भ्रष्टाचार सिद्ध होत नाही !!

-सूर्यकांत डॊळसे,पाटोदा (बीड)

चोरांची शिरजोरी

व्यंगचित्र ते फेसबुक

असिम त्रिवेदीचे व्यंगचित्र असो,
वा पालघरचे फेसबुक प्रकरण
हा कायदेशीर गुंता आहे.
कायदा कसा वापरावा?
याचीच पोलिसांना चिंता आहे.

अति घाई,संकटात नेई
हाच यातला समान धागा आहे !
हक्क आणि कर्तव्याची
एक आपापली जागा आहे !!

-सूर्यकांत डॊळसे,पाटोदा (बीड)

सोशल पोस्ट मार्टेम

ग्रामपंचायतनामा

घरा-घरात लागले वाद

नात्या-गोत्याचेही मुडदे पडले.

जाती-धर्माच्या सलोख्यावरही

कायमचेच पडदे पडले.

जे व्हायचे ते झाले,

जे होवू नये तेही झाले आहे !

कुणाचे लागले कुपाट,

कुणाचे घोडे गंगेत न्हाले आहे !!

-सूर्यकांत डॊळसे,पाटोदा (बीड)

गावो-गावची कहाणी

एका स्मारकाचे कवित्त्व

ते मनोहर असले तरी
भलतेच जोश्यात आहेत.
"कयदा हातात घ्या"
अशाच त्वेशात आहेत.

जोश आणि त्वेश समजू शकतो
पण हा कायदेप्रधान देश आहे !
प्रिन्सिपॉल प्रिन्सिपल विसरल्याने
कपाळावरती चिंतेची रेष आहे !!

-सूर्यकांत डॊळसे,पाटोदा(बीड)

ग्रामपंचायतीची आकाशझेप

खरेदी-विक्री

मतदान खरेदीची पद्धत
कावेबाज आणि कपटी असते.
राजकीय नशा चढत जाते
सोबतीला बोटी आणि चपटी असते.

कधी चिकन,कधी काजू करी,
वरून लालेलाल तर्री असते !
जे खाण्या-पिण्यावर विकत्ले जातात
त्यांच्यापेक्षा वेश्या तरी बरी असते !!

-सूर्यकांत डोळसे,पाटोदा (बीड)

लोकशाहीचे बोन्साय

लाईफ टाईम प्रचार

स्मारकाचे राजकारण

ज्याचा त्याचा आवाका

गोधळ: एक पळवाट

कसाबची फाशी

बॅंक घोटाळे

कर्तृत्त्वाचा मानदंड

अग्रलेख म्हणाला व्यंगचित्राला

अखेरचा जय महाराष्ट्र

हृदयाच्या सम्राटाला
सैनिकांनी हृदयात फ्रेम केले होते.
राजकीय मित्रांनीच काय?
राजकीय शत्रूंनीही प्रेम केले होते.

ओठात एक,पोटात एक
याचा त्यांना तिटकारा होता.
ठाकरी शैलीच्या आसूडासोबत
कुंचल्याचा फटकारा होता.

त्यांच्या अखेरच्या जय महाराष्ट्रने
हृदया-हृदयाला चरका आहे !
अमोघ वाणी आणिे कर्तृत्त्वाला
हा महाराष्ट्र पोरका आहे !!

-सूर्यकांत डॊळसे,पाटोदा(बीड)

अक्कल खाते

शिका आणि विका

जाहीर लिलाव

बिनविरोधाच्या नावाखाली
सगळे काही झाकले जाते.
ग्रामपंचायतीचा लिलाव होवून
सरपंचपद विकले जाते.

अर्थशाहीच्या नावाखाली
लोकशाहीचा आव असतो !
जो जास्त विरोध करेल
त्यालाच जास्त भाव असतो !!

-सूर्यकांत डॊळसे,पाटोदा(बीड)

दृष्टीदोष

राजकीय सार

वामनाचे बळी

बॉम्ब ते टिकल्या

विद्वान आणि विद्वत्ता

स्वीस बॅंक खाते

आरोपीच्या पिंजर्‍यात

आत्मनिरीक्षण

यशस्वी पुरूषाच्या मागे
एक समान खुबी असते.
प्रत्येक ओबामाच्या मागे
एक मिशेल उभी असते.

खरे-खोटे पाहण्यासाठी
स्वत:त डोकावून पहायला हवे !
आपल्याही मिशेलच्या मागे
ओबामाने उभे रहायला हवे !!

-सूर्यकांत डोळसे,पाटोदा (बीड)

कायद्याची गोष्ट

लायकी आणि बुद्ध्यांक

आंधळी कट्टरता

कटू सत्य

तेच सत्य मानले जाते
जे आपल्याला रूचले जाते.
तेच सत्य पचविले जाते
जे आपल्याला पचले जाते.

सत्याच्या आवडी-निवडीचा
इथेच खरा गफला आहे !
जो सोयीचे सत्य सांगेल
तोच फक्त आपला आहे !!

-सूर्यकांत डोळसे,पाटोदा(बीड)

गुन्हेगारीचे मोजमाप

डासकारण

शोध-प्रतिशोध

टिकेवर प्रतिटिका झाली,
वारावर प्रतिवार आहेत.
आता शोध सुरू झाले
कुणाच्या पक्षात
किती गुन्हेगार आहेत?

गुन्हेगार शोधायचेच झाले तर
सर्वच्या सर्व धरावे लागतील !
शुद्धीकरण कारायचे म्हटले तर
पक्षच बरखास्त करावे लागतील !!

-सूर्यकांत डॊळसे,पाटोदा (बीड)

आग ही आग

लाचारी जिंदाबाद

इकडेही मौज आहे,
तिकडेही मौज आहे.
ज्याच्या त्याच्या दिमतीला
लाचारांची फ़ौज आहे.

जसा विचार आहे
तसाच आचार आहे !
लाचारांच्या फौजेकडून
लाचारीचाच प्रचार आहे !!

-सूर्यकांत डोळसे,पाटोदा(बीड)

उद्योगपतींचे उद्योग