गाईड म्हणाले पुस्तकाला...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आठवणीतील वात्रटिका

------------------------

गाईड म्हणाले पुस्तकाला

गाईड म्हणाले पुस्तकाला,

तुझे आपले चांगले आहे.

आम्हांला मात्र दोरीवरती,

आयुष्यभर टांगले आहे.

परीक्षेचा मोसम आला की,

बाबा अंगावर काटा येतो.

पोरासाठी बापही मग,

पाहिजे तेवढ्या नोटा देतो.

आमची 'चिरफाड' करूनसुद्धा

उत्तरपत्रिका कोऱ्या असतात !

पोरासोबत बापाच्याही,

गुणवाढीसाठी फेऱ्या असतात !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-433

दैनिक झुंजार नेता

वर्ष -2रे

26 फेब्रुवारी2001

कोरोनाचा काळाबाजार.. मराठी वात्रटिका

--------------------------------

कोरोनाचा काळाबाजार

इकडे कोरोनामुळे,

प्रत्येक जण बेजार आहे.

तिकडे मात्र कोणाच्या नावावर,

चक्क काळाबाजार आहे.

कोरोना हा असा,

एकच आजार आहे!

ज्याच्या प्रत्येक गोष्टीत,

मोठा काळाबाजार आहे!!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-7597

दैनिक झुंजार नेता

20मे2021

-------------------

ReplyForward

 

तोंड पूजा....मराठी वात्रटिका

आजची वात्रटिका

----------------------

तोंड पूजा

तोंडपूजेला महत्त्व आले,

लोकही मग तोंडपूजे झाले.

आरत्या-किर्त्या तोंडपाठ,

लोकही मग बिनलाजे झाले.

आपल्या तोंडपूजेची,

कुठे कुणाला लाजलज्जा आहे?

ज्यांना जमतो तोंडदेखलेपण,

त्यांचीच खरी आज मज्जा आहे !!

-सूर्यकांत डॊळसे,पाटोदा(बीड)

मोबाईल-9923847269

------------------------------

फेरफटका-7737

दैनिक झुंजार नेता

21ऑक्टोबर 2021

 

दु:ख हरण...मराठी वात्रटिका

आजची वात्रटिका

----------------------

दु:ख हरण

आरोप - प्रत्यारोप करून,

ते दिवस काढत आहेत.

मात्र आपल्याला वाटते,

आपल्यासाठी लढत आहेत.

कधी ढासळतो तोल,

कधी जीभ घसरून जाते!

त्यांची जुगलबंदी रंगली की,

आपले दुःख विसरून जाते!!

-सूर्यकांत डॊळसे,पाटोदा(बीड)

मोबाईल-9923847269

----------------------------------

फेरफटका-7736

दैनिक झुंजार नेता

20ऑक्टोबर 2021

 

कोरोना श्री...मराठी वात्रटिका

आजची वात्रटिका

------------------------

कोरोना श्री

गाळलेल्या सगळ्या जागा,

राजकारणी भरीत राहिले.

लॉक डाऊन च्या काळात,

लोकरंजन करीत राहिले.

राजकारण्यांचे लोकरंजन,

जसे टॅक्स फ्री होते,

तसेच ते टेन्शन फ्री होते!

कुणी होते कोरोना योद्धे,

कुणी 'कोरोना श्री' होते!!

-सूर्यकांत डॊळसे,पाटोदा(बीड)

मोबाईल-9923847269

---------------------------------

फेरफटका-7718

दैनिक झुंजार नेता

29सप्टेंबर 2021

 

साहेबीपणाची हौस...मराठी वात्रटिका

आजची वात्रटिका

------------------------

साहेबीपणाची हौस

चिम्या गोम्या आणि सोम्यालाही,

साहेब म्हणून मिरवावे वाटते.

लोकांनीही आपले मागणे,

उठता बसता पुरवावे वाटते.

चिम्या गोम्या सोम्याचीही हौस,

लोक बिनधास्त पुरवून टाकतात!

गाढवाला गोपाळराव म्हणीत,

त्यांचा कंड जिरवून टाकतात !!

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7712

दैनिक झुंजार नेता

23सप्टेंबर 2021

 

त्रिकोणी संसार...मराठी वात्रटिका

आजची वात्रटिका

----------------------

त्रिकोणी संसार

एकीकडे सुन आहे,

दुसरीकडे सासरा आहे.

तिघाडीचा संसार म्हणजे,

दोघांमध्ये तिसरा आहे.

सुतावरून गाठतात स्वर्ग,

सतत पराचा कावळा आहे!

गोंधळात गोंधळ असूनही,

तोही एकदम सावळा आहे

-सूर्यकांत डॊळसे,पाटोदा(बीड)

मोबाईल-9923847269

----------------------------

फेरफटका-7709

दैनिक झुंजार नेता

19सप्टेंबर 2021

 

अंगवस्त्र....मराठी वात्रटिका

 

खोट्याच्या पदरी गोटा..मराठी वात्रटिका

 आजची वात्रटिका

--------------------------

खोट्याच्या पदरी गोटा

एकाला छोटे ठरवून,

दुसऱ्याला मोठे करू नका.

खंडन आणि मंडन,

दोन्हीसुद्धा खोटे करू नका.

आपला आणि दुसऱ्याचाही,

त्यात खूप मोठा तोटा असतो!

हे सांगायची गरज नाही,

खोट्याचा आवाज मोठा असतो!!

-सूर्यकांत डॊळसे,पाटोदा(बीड)

मोबाईल-9923847269

---------------------------

फेरफटका-7695

दैनिक झुंजार नेता

6सप्टेंबर 2021

जातीचे अमरत्व..मराठी वात्रटिका

आजची वात्रटिका

--------------------------

जातीचे अमरत्व

जात कर्माने नाही;जन्माने मिळते,

तरी जात मृत्यूनंतरही सुटत नाही.

जात दाखविल्याशिवाय प्रेताला,

साधा मसनवटाही भेटत नाही.

प्रेताबरोबर वैर धरण्याचे,

तसे खरेच काही कारण नाही !

माणसाला मरण असले तरी,

जातीला मात्र नक्की मरण नाही !!

-सूर्यकांत डॊळसे,पाटोदा(बीड)

मोबाईल-9923847269

----------------------------------

फेरफटका-7693

दैनिक झुंजार नेता

4सप्टेंबर 2021