गाईड म्हणाले पुस्तकाला...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आठवणीतील वात्रटिका

------------------------

गाईड म्हणाले पुस्तकाला

गाईड म्हणाले पुस्तकाला,

तुझे आपले चांगले आहे.

आम्हांला मात्र दोरीवरती,

आयुष्यभर टांगले आहे.

परीक्षेचा मोसम आला की,

बाबा अंगावर काटा येतो.

पोरासाठी बापही मग,

पाहिजे तेवढ्या नोटा देतो.

आमची 'चिरफाड' करूनसुद्धा

उत्तरपत्रिका कोऱ्या असतात !

पोरासोबत बापाच्याही,

गुणवाढीसाठी फेऱ्या असतात !!

-सूर्यकांत डॊळसे,पाटोदा(बीड)

मोबाईल-9923847269

---------------------------------------

फेरफटका-433

दैनिक झुंजार नेता

वर्ष -2रे

26 फेब्रुवारी2001