आंधळी कोशिंबीर...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

आंधळी कोशिंबीर

तिला दिवसभर पुजून होते,
तिला दिवसभर भजून होते.
तिच्या किर्तनाची कॅसेट,
अगदी दिवसभर वाजून होते.

तीही याला भुलत जाते,
तीही त्यामुळे फुलत जाते.
तुम्ही जसे घुलवाल,
तशी तिही त्याला घुलत जाते.

तिच्याबरोबर सर्वांनाच,
सगळा प्रकार कळला जातो!
दरवर्षीच्या आठ मार्चला,
हाच खेळ पुन्हा खेळला जातो !!

-सूर्यकांत डॊळसे,पाटोदा(बीड)
मोबाईल-9923847269
----------------------------------
फेरफटका-8196
दैनिक झुंजार नेता
वर्ष -23वे
10मार्च2023