सत्कारनामा...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

सत्कारनामा

भामट्यांकडून भामट्यांचे,
चालले सत्कार आज इथे.
वाघांच्या डरकाळ्या ठरतात,
घुबडांचे घुत्कार आज इथे.

अस्तनीतल्या नागांचेच,
चालले फुत्कार आज इथे.
नालायकांसाठी लायकांचे,
चालले धुत्कार आज इथे.

जरी दबलेल्या आवाजाचे,
उठती चित्कार आज इथे!
तरी मिंध्यांकडून मिंध्यांचेच
जाहीर सत्कार आज इथे !!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6740
दैनिक पुण्यनगरी
वर्ष -19वे
6मार्च2023