उठा- ठेव...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

उठा- ठेव

तुम्ही मला सी.एम.बनवले,
मी तुम्हाला पी.एम. बनवतो आहे.
उपकाराची फेड उपकाराने,
हाच अर्थ याच्यात जाणवतो आहे.

कुणाला हे साटेलोटे वाटते.
कुणाला ही राजकीय देवघेव वाटते.
जे याकडे बारकाईने बघतात,
त्यांना तर ही नसती उठठेव वाटते.

राजकारणात कधी काय होईल?
याचे अंदाज कुणाच्या गावी आहेत?
नसती उठाठेव खरी असली तरी,
ते तर आधीपासूनच भावी आहेत!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8202
दैनिक झुंजार नेता
वर्ष -23वे
17मार्च2023