कॉमेडी शो...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

कॉमेडी शो

कॉमेडी आणि मिमिक्रीवाले,
सगळेच याच्यात आले आहेत.
आजकालच्या जाहीर सभांचे,
चक्क कॉमेडी शो झाले आहेत.

इथे आरोपांचा फुल्ल भडका आहे,
इथे कॉमेडीचा फुल्ल तडका आहे.
फुल्ल मनोरंजनाची गॅरंटी,
वर श्रोत्यांना पैसा अडका आहे.

भाडोत्री गर्दी असली तरी,
हश्या टाळ्यांचा पाऊस पडतो आहे!
राजकीय सभांच्या कॉमेडी शोमुळेच,
न्यूज चॅनलचा टीआरपी वाढतो आहे!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8212
दैनिक झुंजार नेता
वर्ष -23वे
27मार्च2023