गद्दारी आणि खुद्दारी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

गद्दारी आणि खुद्दारी

हे म्हणतात, तेच गद्दार आहेत,
ते म्हणतात, हेच गद्दार आहेत.
गद्दारी आणि खुद्दारीच्या खेळाला,
खरे साक्षीदार तर मतदार आहेत.

गद्दारीची आणि खुद्दारीची,
दरवेळी नवी नवी व्याख्या असते.
परस्परांची टिंगल टवाळी करीत,
वर पुन्हा त्यांचेच ख्या ख्या असते.

वरवर हसवणूक असली तरी,
आत स्वतःचीच फसवणूक असते!
फोटो जुनाच असला तरी,
नव्या फ्रेम मध्ये बसवणूक असते!!

-सूर्यकांत डॊळसे,पाटोदा(बीड)
मोबाईल-9923847269
--------------------------------------------
चिमटा-6752
दैनिक पुण्यनगरी
वर्ष -19वे
21मार्च2023