चोर मचाये शोर...मराठी वात्रटिका

आजची वात्रटिका
------------------------

चोर मचाये शोर

चोऱ्या करून ते करून,
वर पुन्हा ते शिरजोर आहेत.
चोरांचे आणि महाचोरांचे
दरवेळी नवनवे शोर आहेत.

तरीही आपण कुणी,
चोरांना चोर म्हणायचे नाही.
आपणही कधी कुणी,
चुकूनही साव बनायचे नाही.

चोरांचा आणि महाचोरांचा,
हाच तर हाल हवाल आहे!
चोरांना चोर म्हणणे म्हणजे,
चोरांच्या इज्जतीचा सवाल आहे!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8190
दैनिक झुंजार नेता
वर्ष -23वे
2मार्च2023