लोकशाही वाचवा !...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

लोकशाही वाचवा !

जे दाबतात लोकशाहीचा गळा,
त्यांचाच आता आरडा ओरडा आहे.
लोकशाही जिवंत राहिली पाहिजे,
आता त्यांचा उमाळाच कोरडा आहे.

ज्यांना रात्रंदिवस वाटतअसते,
लोकशाही तालावर नाचली पाहिजे.
तेच काढतात रात्रंदिवस गळे,
आपली लोकशाही वाचली पाहिजे.

त्या प्रत्येकालाच वाटू लागले,
तेच खरे लोकशाहीचे वाली आहेत !
चोरांच्या उलट्या बोंबा ऐकून,
छद्मी भाव लोकशाहीच्या गाली आहेत !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
चिमटा-6758
दैनिक पुण्यनगरी
वर्ष -19वे
26मार्च2023