खेलो इंडिया...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------------

खेलो इंडिया...

कायदेशीर संरक्षणाची,
जाहिरातदारांना हमी आहे.
बोकाळलेल्या जाहिरातीमध्ये,
रम,रमा आणि रमी आहे.

जे जे विकते; ते ते पिकते,
हा मार्केटिंगचा फंडा आहे.
हसव्या फसव्या जाहिरातींचा,
मामा बनलेल्यांना गंडा आहे.

गंडवागंडवी ऑफलाइन असते,
गंडवागंडवी ऑनलाइन असते !
सावधानतेच्या इशाऱ्याची,
कोपऱ्यात छोटी लाईन असते!!

-सूर्यकांत डॊळसे,पाटोदा(बीड)
मोबाईल-9923847269
----------------------------------
चिमटा-6762
दैनिक पुण्यनगरी
वर्ष -19वे
30मार्च2023