आजची वात्रटिका
--------------------
शपथपूर्वक सांगतो की,
याची आहे ; त्याची आहे,
शपथेवरती पुन्हा शपथ आहे.
सगळ्यांनाच वाटू लागले,
शपथ म्हणजे आफत आहे.
औपचारिकतेचा भाग म्हणून,
शपथेवर शपथा घेतल्या जातात.
फोटो बिटो काढून झाले की,
शपथा मातीत घातल्या जातात.
असे फार कमी लोक असतील,
ज्यांचा शपथविधी घडलेला नाही !
कितीतरी शपथा आल्या गेल्या,
कशातच फरक पडलेला नाही !!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका- 9449
वर्ष-26 वे
दैनिक झुंजार नेता
5 नोव्हेंबर 2026
----------------------------
