आजची वात्रटिका
--------------------------
लढा गुरूजी लढा...
झिजले जरी नाक तरी
पाया त्यांच्याच पडा.
आदर्शांच्या पुरस्कारांसाठी
लढा गुरूजी लढा...
अशी ’शाळा’ जमली की,
पुढचे सगळे सोडा
निवडणूका जवळ आल्यात
लढा गुरूजी लढा...
बघा रेस सुरू झाली
नाचवा कागदी घोडा.
नगदी रक्कम हाती घेऊन
लढा गुरूजी लढा...
लढतो तो जिंकतोच,
फक्त लाज थोडी सोडा !
अब्राहम लिंकनचे काय ऎकता ?
लढा गुरूजी लढा !!
-सूर्यकांत डोळसे, पाटोदा (बीड)
मोबाईल-9923847269
-----------------------
चिमटा-1973
दैनिक पुण्यनगरी
27ऑगस्ट 2009
