***** आजची वात्रटिका ****
*********************
प्रचाराची जातकुळी
कुठे तुतारी वाजवली होती
कुठे टाळी वाजवली होती.
जातीयवादी प्रचाराने
अंदाधुंदी माजवली होती.
जातीसाठी माती खात
जातीने जातीला जागले होते.
स्वत:ला पुरोगामी समजणारेही
जातीने प्रचाराला लागले होते.
आम्हीच कशाला सांगावे ?
सर्वांनाच सगळे द्न्यात आहे !
जय आणि पराजयातही
खरा जातीचाच हात आहे !!
-सूर्यकांत डोळसे,पाटोदा (बीड)
No comments:
Post a Comment