आजची वात्रटिका
--------------------
जय पराजयाचे विश्लेषण
कुणा एकाला जिंकवण्यासाठी,
दुसऱ्या कुणाला पाडावे लागते.
विजय पराभव कुठलाही असो,
सगळीकडे हेच घडावे लागते.
आपण जिंकलो कसे ?
जिंकणारा कधी शोध घेत नाही.
आपण नेमके हरलो कसे?
हारणाला नीट बोध होत नाही.
विजयाचा होतो उदो उदो,
पराभव नेहमीच गोत्यात असतो!
वजाबाकीचा सगळा ताळमेळ,
पराभूतांच्याच खात्यात असतो!!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका- 9448
वर्ष-26 वे
दैनिक झुंजार नेता
4 नोव्हेंबर 2026
----------------------------
