आजची वात्रटिका
--------------------------
वक्र दृष्टी
कोरोनाचा हैदोस,पावसाचा सोस,
सोबत वादळाचीही चक्री आहे.
काहीजणांना वाटू लागले,
केवळ मंगळ आणि शनी नाही,
आख्खी ग्रहमालाच वक्री आहे.
वैतागलेले जीव असे,
परिस्थितीला शरण जातात.
अंधश्रद्धांच्या बेड्या पडायला,
नैसर्गिक संकट कारण होतात.
मंगळ-बिंगळ, शनी-बिनीत
असली कसलीच टाप नाही !
लढत आलो,लढत राहू,
मानवी इतिहास येडछाप नाही !!
-सूर्यकांत डोळसे,पाटोदा(बीड)
मोबाईल-9923847269
------------------------
फेरफटका-7436
दैनिक झुंजार नेता
17ऑक्टोबर2020
