आजची वात्रटिका
------------------------
ऋतूंचे कॉकटेल
आपल्या हाताने आपली,
निसर्गाकडून छी थू आहे.
ऋतूंचे झाले कॉकटेल,
कळेना कोणता ऋतू आहे?
निसर्गाचे बिघडले चक्र,
सगळी उलटापालट आहे.
निसर्ग नियमांच्याच,
सगळे उलट सुलट आहे.
माणसावर निसर्गाचा नाही,
निसर्गावर माणसाचा पगडा आहे!
बेईमान झाले सगळे ऋतू,
त्यांचा अस्तित्वासाठी झगडा आहे!!
-सूर्यकांत डॊळसे,पाटोदा(बीड)
मोबाईल-9923847269
---------------------------------
फेरफटका-7775
दैनिक झुंजार नेता
3डिसेंबर2021
