बिनविरोधचे षडयंत्र ....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

--------------------------

बिनविरोधचे षडयंत्र

पूर्वी ज्याचा अभिमान वाटायचा,

त्याची आता किळस येते आहे.

उठता बसता कुठलीही निवडणूक,

आज-काल बिनविरोध होते आहे.

बिनविरोध निवडणूक काढण्याचे,

ज्याचे त्याचे वेगवेगळे तंत्र आहे.

त्यामुळेच वाटायला लागले.

बिनविरोध निवडणूक हे षडयंत्र आहे.

अति झाले आणि हसू आले,

अशीच बिनविरोधची अवस्था आहे !

ज्याच्या त्याच्या प्रत्येकाच्या सोयीची,

आज लोकशाही व्यवस्था आहे !!

-सूर्यकांत डॊळसे,पाटोदा(बीड)

मोबाईल-9923847269

-------------------------------,

फेरफटका- 9298

वर्ष-26 वे

दैनिक झुंजार नेता

5 जून 2026