घोड्यांचा संवाद .....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
--------------------------

घोड्यांचा संवाद

राजकारण माजावर आले की,
तुझे आणि माझे फावले जाते.
तुला मला बाजारात उभे करून,
वाट्टेल तेवढ्याला लावले जाते.

एकदा त्यांनी चढवले की,
आपणही जोरात चढत जातो.
जेवढा राजकीय माज वाढतो,
तेवढा आपला भाव वाढत जातो.

आपली घोडदौड बघून,
बिचारी लोकशाही बेजार आहे!
जरी गाढवांची होते खरेदी विक्री,
तरी त्याचे नाव घोडेबाजार आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका- 9300
वर्ष-26 वे
दैनिक झुंजार नेता
7 जून 2026