सावधानतेचा इशारा....मराठी वात्रटिका

आजची वात्रटिका

---------------------

सावधानतेचा इशारा

बुवाबाजी करता-करता,

बाबा बाईबाजीत रंगला गेला.

रास लीलेचा व्हिडिओ,

थेट जगभरात पांगला गेला.

किर्तन असो वा तमाशा,

ज्याची त्याची एक पायरी आहे!

आपलाच मोबाईल असा,

हल्ली आपलाच वैरी आहे !!

-सूर्यकांत डॊळसे,पाटोदा(बीड)

मोबाईल-9923847269

-----------------------

चिमटा-6464

दैनिक पुण्यनगरी

11एप्रिल2022

 

सावधानतेचा इशारा....मराठी वात्रटिका

आजची वात्रटिका

----------------------------

सावधानतेचा इशारा

दुरून डोंगर साजरे,

ही भेकडांची नीती वाटते.

भेकडांनी केलेल्या कौतुकाची,

आज-काल भीती वाटते.

जे असतात लबाड,

तेच खरे भेकड असतात.

पळकुटे इरादे त्यांचे,

पाठिंबेही भाकड असतात.

असे सारेच लबाड,

दुर्लक्षाच्या लायक असतात !

लबाडांचे दिलासेही,

सपशेल धोकादायक असतात !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-7824

दैनिक झुंजार नेता

23जानेवारी 2022