------------------
वेड्यांचा बाजार
आपले खाजगी आयुष्य सुद्धा,
रात्रंदिवस व्हायरल व्हायला लागले.
लाईक्स आणि फॉलोअर्ससाठी,
नको त्या थराला जायला लागले.
काय दाखवावे? काय नाही?
याचा सारासार विवेक राहिला नाही.
इन्स्टा आणि फेसबुक सारखा तमाशा,
प्रत्यक्ष कनातीतही पाहिला नाही.
पैसा आणि प्रसिद्धीच्या नशेमुळे,
आयतेच लावलेल्या जाळ्यात आहेत !
जणू दाखवणारापेक्षा बघणारेच,
सोशल मीडियावर खुळ्यात आहेत !!
-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8924
वर्ष-25 वे
दैनिक झुंजार नेता
22मे 2025
