वाचाल तर वाचाल..प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

वाचाल तर वाचाल..

कुणी म्हणाले, नरकात स्वर्ग आहे.
कुणी म्हणाले,स्वर्गात नरक आहे.
यात खरे आणि खोटे काहीच नाही,
हा राजकीय दृष्टिकोनाचा फरक आहे.

ज्याला जसे लिहायचे आहे,
तसे तो अगदी खुशाल लिहू शकतो.
एखाद्याची समीक्षा करताना,
कुणी बाल साहित्य म्हणून पाहू शकतो.

ज्याला जसे नाचायचे आहे,
ते तसे खुशाल नाचू शकतात !
ज्याला विरोधक म्हणून बसायचे आहे,
तेच नरकातला स्वर्ग वाचू शकतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8920
वर्ष-25 वे
दैनिक झुंजार नेता
18मे 2025