गौप्यस्फोटांचा बार....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

गौप्यस्फोटांचा बार

जेवढे जेवढे आभाळ हाणता येईल,
तेवढे तेवढे आभाळ हाणले जाते.
दडवून ठेवलेल्या सत्यालाच,
राजकारणात गौप्यस्फोट मानले जाते.

ज्याच्या त्याच्या राजकीय स्वार्थापोटी,
नेहमी सत्याच्या नरडीचा घोट असतो.
तुझे माझे पटेना असे झाले की,
त्यांच्याकडून राजकीय गौप्यस्फोट असतो.

वैयक्तिक स्वार्थापोटी सामाजिक न्याय,
नेहमी पायदळी तुडवला जातो !
ज्याच्या त्याच्या राजकीय सोयीनुसार,
गौप्य स्फोटांचा बार उडवला जातो !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8919
वर्ष-25 वे
दैनिक झुंजार नेता
17मे 2025