युद्धाचे वास्तव...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका

-------------------

युद्धाचे वास्तव

कुठे युद्धाचा ठराव आहे,

कुठे युद्धाचा सराव आहे.

फुगलेल्या बेडकाचे,

उगीच डराव डराव आहे.

युद्ध नको;युद्ध हवे,

सर्वांनीच जोर धरला आहे.

न्यूज चॅनलवाल्यांनी तर,

देशात युद्धज्वर पेरला आहे.

कुणाचे स्टेटस,कुणाची स्टोरी,

कुणाची पोस्टआणि रील आहे !

दुरून डोंगर साजरे,

असेच युद्धाचे थ्रील आहे !!

-सूर्यकांत डॊळसे,पाटोदा(बीड)

मोबाईल-9923847269

-------------------------------

फेरफटका-8909

वर्ष-25 वे

दैनिक झुंजार नेता

7 मे 2025