सूचक वास्तव...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------

सूचक वास्तव

कळत नाही नेमके,
कोण कुणावर मेहरनजर होतात?
जवळजवळ सगळे फरार आरोपी,
आज-काल स्वतःहूनच हजर होतात.

कुणाचा कुणावर वचक आहे?
कुणाची कुणाकडून पचक आहे?
आरोपींचे स्वतः हजर होणे,
बऱ्याच काही गोष्टींचे सूचक आहे.

हिंदी सिनेमातली प्रत्येक गोष्ट,
खरी होण्याच्या बेतात आहे !
कायदा म्हणाला सुव्यवस्थेला,
आपली इज्जत आपल्याच हातात आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8927
वर्ष-25 वे
दैनिक झुंजार नेता
25मे 2025