अंध भक्तांचा दृष्टांत...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------

अंध भक्तांचा दृष्टांत

आपण अंधभक्त झाल्याशिवाय,
दुसऱ्या अंधभक्तांशी भांडता येत नाही.
आपला आंधळा मुद्दासुद्धा,
अंधभक्तासमोर काही मांडता येत नाही.

अंधभक्ताला अंधभक्त भेटला की,
भांडणाला वेगळाच रंग चढत जातो.
असंगाशी संग झाला की,
अंधभक्ताला अंधभक्त भिडत जातो.

एकदा अंधभक्तीची ओळख पटली की,
ते वाट्टेल तसे आभाळ हाणू लागतात !
तेरी भी चुप मेरी भी चुप करीत,
एकमेकांना कट्टर भक्त म्हणू लागतात !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8933
वर्ष-25 वे
दैनिक झुंजार नेता
31मे 2025