पक्षांतराचे चक्र....प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------

पक्षांतराचे चक्र

कुणाची टवकारते नजर,
कुणाची नजर वक्र असते.
जे कधीच थांबत नाही,
ते पक्षांतराचे चक्र असते.

जशी पक्षांतराची दिशा,
वादग्रस्त ठरू शकते.
तसे पक्षांतराचे चक्रही,
उलटे सुलटे फिरू शकते.

नाही नाही म्हणणाराचेही,
नकळत पक्षांतर होत असते !
पक्षांतराच्या चक्राला,
नेहमी सत्ताच गती देत असते !

-सूर्यकांत डॊळसे,पाटोदा(बीड)
मोबाईल-9923847269
---------------------------
फेरफटका-8922
वर्ष-25 वे
दैनिक झुंजार नेता
20मे 2025