घोटाळ्यांची साखळी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------

घोटाळ्यांची साखळी

एक जात सगळे भ्रष्टाचारी,
भ्रष्टाचारात सामील व्हायला लागले.
आरोपी राहिले बाजूला,
फिर्यादींचेच बळी जायला लागले.

घोटाळ्यांच्या चौकशीमध्येसुद्धा,
पुन्हा घोटाळेच व्हायला लागले.
घोटाळेबहाद्दरच एकमेकांना,
स्वच्छतेचे प्रमाणपत्र द्यायला लागले.

स्वच्छता प्रमाणपत्र मिळवायची,
त्यांच्याकडे युक्ती सुद्धा नामी असते !
नव्या घोटाळ्यांच्या पात्रतेसाठी,
हेच स्वच्छता प्रमाणपत्र कमी असते. !!

-सूर्यकांत डॊळसे,पाटोदा(बीड)
मोबाईल-9923847269
---------------------------
फेरफटका-8925
वर्ष-25 वे
दैनिक झुंजार नेता
23मे 2025