एका संवादकाचे कौतुक...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
------------------

एका संवादकाचे कौतुक

महाराष्ट्रात टिकेवर चर्चा व्हायची,
आता मात्र कौतुकावर चर्चा आहे.
अड्ड्यावरच्या रंगलेल्या गप्पा ऐकून,
कुणाकुणाला मात्र मूर्च्छा आहे.

संवादाने म्हणे संवाद वाढत जातो,
महत्त्वाचा मात्र संवादक आहे.
बिटवीन द लाईन्स मधला अर्थ मात्र,
जेवढा सूचक तेवढाच वेधक आहे.

तुझ्या गळा माझ्या गळा.....
आज तरी महाराष्ट्रात हेच दृश्य आहे !
घडेल किंवा घडणार नाही,
हे बिटवीन द लाईन वरचे भाष्य आहे !!

-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8932
वर्ष-25 वे
दैनिक झुंजार नेता
30मे 2025