कर्म धर्म संयोगची जातकुळी...प्रसिद्ध वात्रटिकाकार व्याख्याते सूर्यकांत डोळसे यांची मराठी वात्रटिका

आजची वात्रटिका
-------------------

कर्म धर्म संयोगची जातकुळी

तुमची इच्छा असो वा नसो,
तुम्हाला जाती-धर्माशी जोडले जाते.
जाती धर्माच्या चौकटीमध्ये,
तुम्हाला जबरदस्तीने ओढले जाते.

जाती आणि धर्माच्या कल्पना,
वेडगळ आणि भाबड्या आहेत.
अनेकांच्या यशाचे रहस्य,
जाती आणि धर्माच्या कुबड्या आहेत.

दुसऱ्याने जाती धर्म काढला की,
आपल्याला नको तेवढा राग असतो !
जाती धर्माचा हा कर्म धर्म संयोग,
म्हणूनच तर समजून घेणे भाग असतो !!


-सूर्यकांत डॊळसे,पाटोदा(बीड)
मोबाईल-9923847269
-------------------------------
फेरफटका-8918
वर्ष-25 वे
दैनिक झुंजार नेता
16मे 2025