विकृतीची स्वीकृती...मराठी वात्रटिका

आजची वात्रटिका
-------------------

विकृतीची स्वीकृती

मुजोरी आणि मस्तवालपणा,
किती ऐटीत जपला जातो?
वाढदिवसाचा केकसुद्धा,
थेट तलवारीने कापला जातो.

कायदा आणि सुव्यवस्थेचे,
हे टवाळ जणू हाडवैरी असतात.
कधी नाचवतात तलवारी,
कधी बंदुकीच्या फैरी असतात.

मौज,मस्ती आणि धुंदीमुळे,
पार्टीला रंग चढत जातो!
विकृतीला मिळते स्वीकृती,
म्हणूनच नंगानाच वाढत जातो!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6695
दैनिक पुण्यनगरी
वर्ष -18 वे
18जानेवारी2023