दुःखद न्याय...आजची वात्रटिका

आजची वात्रटिका
----------------------

दुःखद न्याय

लोकांनी निवडून दिल्याचा,
ते गैरफायदा घेत आहेत.
न्यायदानाच्या नावाखाली,
ते हाती कायदा घेत आहेत.

ही कायद्याची टिंगल नाही तर,
तुम्हीच सांगा दुसरे काय आहे?
ते घालतात उघड धुडगूस,
त्यांच्या दृष्टीने हाच न्याय आहे.

त्यांना सत्तेची असते मस्ती,
त्यामुळे हिरोगिरीची हुक्की येते!
लोकांकडून होतो उदो उदो,
लोकशाही मात्र दुःखी होते!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6705
दैनिक पुण्यनगरी
वर्ष -18 वे
29जानेवारी2023