तारुण्याचे कारुण्य...मराठी वात्रटिका

आजची वात्रटिका
---------------------------

तारुण्याचे कारुण्य

मोठी नाजूक अवस्था,
चेहराही करुण आहे
बर्थ सर्टीफिकेट सांगते,
म्हणून तो तरुण आहे.

काही तरुण म्हातारे,
काही तरुण बालिश आहेत.
जे काही चकाकते आहेत,
ते सर्व तरुण पॉलिश आहेत.

आपल्या आतले तारुण्य,
शेवटपर्यंत पुरले पाहिजे !
आपण झुरे ठरण्याऐवजी,
जग आपल्यावर झुरले पाहिजे !!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8147
दैनिक झुंजार नेता
वर्ष -23वे
12जानेवारी2023