पक्षीय वाद...मराठी वात्रटिका

आजची वात्रटिका
----------------------

पक्षीय वाद

राजकीय पक्ष पक्षांचा,
सगळीकडेच वाद आहे.
राजकीय वादविवादाचा
सगळीकडेच नाद आहे.

पक्षीय फटाफुटी नंतर,
ज्याचे त्याचे तोरण आहे.
पक्ष,झेंडा आणि चिन्ह,
हे हुकुमाचे कारण आहे.

जे काल सख्खे होते,
तेच आज सावत्र होतात!
अगदी कट्टर दुश्मनही,
अगदीं जिगरी मित्र होतात!!

-सूर्यकांत डॊळसे,पाटोदा(बीड)
मोबाईल-9923847269
---------------------------------------
फेरफटका-8163
दैनिक झुंजार नेता
वर्ष -23वे
31जानेवारी2023