ग्रुपीझम...मराठी वात्रटिका

आजची वात्रटिका
------------------------

ग्रुपीझम

समाजातील वाढत्या कट्टरतेचे,
जिकडे बघावे तिकडे प्रूफ आहेत.
सोशल मीडियावर नीट बघाल तर,
जाती उपजातीचेही ग्रुप आहेत.

जाती- पाती जवळ आल्या,
कट्टर धार्मिकांचेही ग्रुप आहेत.
खरे आहेत;खोटे आहेत,
थोडक्यात काय तर खूप आहेत.

याचा अर्थ मुळीच असा नाही,
आपली एकी कुणाला दिसू नये!
संघटन जसे विधायक असावे,
तसे संघटन विध्वंसक असू नये!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6696
दैनिक पुण्यनगरी
वर्ष -18 वे
19जानेवारी2023