निवडणूक पूर्वसूचना...मराठी वात्रटिका

आजची वात्रटिका
---------------------------

निवडणूक पूर्वसूचना

उद्घाटन आणि भूमिपूजन,
ही इलेक्शनची सूचना असते.
भीक नको पण कुत्रे आवरा,
मतदारराजाची याचना असते.

कोनशिलेवर कोनशिला,
नारळावर नारळ फुटला जातो.
टीका आणि टिकावाच्या घावांनी,
प्रचाराचा आनंद लुटला जातो.

झेंडे,दांडे आणि गोंडे बदलून,
हेच कार्यक्रम राबवले जातात!
जणू एकाच कोंबडीखाली,
आपापले अंडे उबवले जातात!!

-सूर्यकांत डॊळसे,पाटोदा(बीड)
मोबाईल-9923847269
-----------------------
चिमटा-6697
दैनिक पुण्यनगरी
वर्ष -18 वे
20जानेवारी2023